नेपाल ट्रिपर तथा ट्रक व्यवसायी समितिको बरिष्ठ उपाध्यक्ष हेमराज श्रेष्ठ निर्वाचित

नेपाल ट्रिपर तथा ट्रक व्यवासयी समितिको बरिष्ठ उपाध्यक्षमा सामाजसेवी तथा व्यवसायी हेमराज श्रेष्ठ निर्वाचित हुनुभएको छ । शनिवार काठमाण्डौँमा सम्पन्न भएको अधिवेशनले अमर श्रेष्ठको अध्यक्षतामा नयाँ कार्य समिति चयन गरेको हो । धादिङको नीलकण्ठ नगरपालिका वडा नम्बर ८ का स्थाई बासिन्दा हेमराज श्रेष्ठ भारी मत सहित बिजयी हुनुभएको हो ।केहि पदहरुमा निर्विरोध चयन भएपनि अध्यक्ष सहित मुख्य पदहरुमा भने निर्वाचन भएको थियो।

अमर श्रेष्ठ नेतृत्वको समूहबाट वरिष्ठ उपाध्यक्षका उम्मेदवार बनेका श्रेष्ठले ७३९ मत प्राप्त गर्दै विजयी भए । उनका निकटतम प्रतिद्वन्द्वी राजु सत्यालले ५९३ मत प्राप्त गरेका थिए ।अध्यक्षमा अमर श्रेष्ठले ७३७ मत प्राप्त गर्नुभएको थियो।प्रथम उपाध्यक्षमा रत्नमणी पाठक,द्धितिय उपाध्यक्षमा कुमार श्रेष्ठ,तृतीय उपाध्यक्षमा मनोज कार्की,सचिवमा प्रदिप बस्नेत, सह–सचिवमा दिपेन्द्र थापा,कोषाध्यक्षमा राजन श्रेष्ठ र सह कोषाध्यक्षमा सविन कुमार राई निर्वाचिन हुनुभएको छ ।