लायन्स क्लब अफ धादिङ नीलकण्ठमा नयाँ नेतृत्व, अध्यक्षमा पोषनाथ अधिकारी चयन

धादिङबेशी । लायन्स क्लब अफ धादिङ नीलकण्ठको वर्ष २०२६/२७ का लागि नयाँ कार्यसमिति चयन गरिएको छ । क्लबको अध्यक्षमा डाइनामिक लिडर तथा कान्तिपुर टेलिभिजनका वरिष्ठ उपसम्पादक लायन पोषनाथ अधिकारी निर्विरोध चयन हुनुभएको हो ।

त्यसैगरी, प्रथम उपाध्यक्षमा सफल व्यवसायी लायन ईश्वर धरेल, सचिवमा बौद्धिक व्यक्तित्व लायन दीपक सीटौला तथा कोषाध्यक्षमा व्यवसायी लायन शरणकुमार श्रेष्ठ निर्वाचित हुनुभएको छ ।

नवनिर्वाचित पदाधिकारीहरूलाई बधाई दिँदै क्लबका सदस्यहरूले उहाँहरूको कार्यकाल सफल रहोस् भन्ने शुभकामना व्यक्त गरेका छन् । सन् २०११ देखि समाजसेवामा सक्रिय रहँदै आएको क्लबले विभिन्न शैक्षिक तथा सामाजिक परियोजना र विपन्न समुदायलाई सहयोग गर्दै आएको छ ।

नयाँ नेतृत्वले आगामी कार्यकालमा अन्तर्राष्ट्रिय स्तरका परियोजना भित्र्याउँदै क्लबको गतिविधिलाई थप प्रभावकारी बनाउने विश्वास लिइएको छ ।