धादिङमा निर्वाचन शान्तिपुर्णः  ५० दशमलव २९ प्रतिशत मत खसेको प्रारभ्भिक अनुमान

धादिङबेशी । प्रतिनिधिसभा सदस्य पदको लागी धादिङमा भएको निर्वाचन शान्तिपुर्ण तवरले सम्पन्न भएको छ । जिल्लामा निष्पक्ष,धाधलीरहित र भयरहित सम्पन्न भएको मतदानमा ५० दशमलव २९ प्रतिशत मत खसेको प्रारभ्भिक अनुमान छ ।

जिल्ला निर्वाचन कार्यालय धादिङका प्रमुख शिव बहादुर गुरुङका अनुसार  १ लाख ३८ हजार ४ सय ४७ मत खसेको हो । दुुईवटा निर्वाचन क्षेत्र रहेको धादिङमा २ लाख ७५ हजार २ सय ८० मतदाता रहेका थिए । धादिङमा सवै मतदान स्थलको मतपेटीका संकलन भएपछि मतगणना सुरु गरिने भएको छ ।