कक्षा १० र १२ मा सत् प्रतिशत नतिजा ल्याउन सफल ७५ जना शिक्षक सम्मानित

धादिङ,६ माघ
ज्वालामुखी गाउँपालिकाले पालिका भित्रका ७५ जनालाई शिक्षकलाइ सम्मान गरेको छ । गाउँपालिकाका शिक्षा अधिकृत बिष्णु प्रसाद न्यौपानेका अनुसार, कक्षा १० र १२ मा सत् प्रतिशत नतिजा ल्याउन सफल ७५ जना शिक्षकहरूलाई सम्मान गरिएको हो। उहाँले भन्नुभयोे, “यो सम्मानले शिक्षकहरूलाई थप उत्साहित गर्नेछ र आगामी नतिजामा पनि उत्कृष्ट प्रदर्शन गर्न प्रेरणा दिनेछ ।”

कार्यक्रममा शिक्षकहरूलाई झोला र डायरी समेत वितरण गरिएको छ । शिक्षा, युवा तथा खेलकुद शाखाले शिक्षकहरूको दैनिक पाठ योजना बनाउने डायरीमार्फत कक्षामा प्रयोग गराउने विश्वास व्यक्त गरेको छ।यस प्रकारका कार्यक्रमले शिक्षकहरूमा उत्साह जागृत गर्दै विद्यार्थीहरूको सिकाइ उपलब्धि सुनिश्चित गर्न सहयोग पु¥याउने विश्वास व्यक्त गरिएको छ।ज्वालमुखी गाउँपालिकाका अध्यक्ष यमनाथ दनैको अध्यक्षतमा भएको कार्यक्रममा प्रमुख जिल्ला अधिकारी विजय राज सुवेदीको प्रमुख आतिथ्यता रहेको थियो ।