धादिङ नेपाली समाज अमेरिकाको सहयोगमा केवलपुर हरिहर भोजकुमारी माविमा कपडा वितरण

धादिङ,२६ पस
धादिङको थाक्रे गाउँपालिका वडा नम्बर १० स्थित केवलपुर हरिहर भोजकुमारी माध्यमिक विद्यालयमा कपडा वितरण गरीएको छ ।धादिङ नेपाली समाज अमेरिकाको सहयोगमा विद्यालयमा अध्ययनरत १६६ जना विद्यार्थीहरुलाई जाडो महिनामा लगाउने कपडा वितरण गरीएको धादिङ नेपाली समाज अमेरिका अध्यक्ष टक बहादुर रुवालीले जानकारी दिनुभयो ।

कपडा वितरण कार्यक्रममा वडा नम्बर १ का वडा अध्यक्ष गोकुल लामिछाने,सामाजिक व्यक्क्तित्व माईली विडारी,प्रधानाध्यापक सानु पन्त पौडेल र पुर्व प्र.अ. सहदेव गजुरेल लगायतको सहभागिता रहेको थियो। शुक्रबार विद्यालयमा प्रांङगणमा एक कार्यक्रमका विच विद्यार्थीहरुलाई ट्याक सुट र टि सर्ट वितरण गरीउको स्थानीय संयोजक तथा चुलीदेवी माध्यमिक विद्यालयका प्रधानाध्यापक ऋषिश्वर बुर्लाकोटीले जानकारी दिनुभयो ।

धादिङ नेपाली समाज अमेरिकाका सदस्य तथा कार्यक्रम संयोजक रबिन बिडारीको संयोजनमा विद्यालयका विद्यार्थीहरुलाई कपडा वितरण गरीएको हो । समाजले यसअघि पनि विभिन्न विद्यालयमा न्यानो कपडा वितरण गरीसकेको छ । अबको केहि महिना भित्र बेनिघाट रोराङ गाउँपालिका वडा नम्र ८ स्थित गोठिभज्ज्याङ आधारभुत विद्यालय र गंगाजमुना गाउँपालिका स्थित चिम्चोक माध्यमिक विद्यालयलाई न्यानो कपडा वितरण गरिने समाजका अध्यक्ष टक बहादुर रुवालीले जानकारी दिनुभयो ।