शिक्षा मन्त्री महावीर पुनको आग्रहः “शिक्षामा नीलकण्ठ नगरपालिका जस्तै निःशुल्क गर्नु”

धादिङ,७ पुस
निःशुल्क शिक्षाको बहस चलिरहेको समयमा संघीय सरकारका शिक्षा मन्त्री महावीर पुनले नीलकण्ठ नगरपालिकाबाट सिक्नको लागि आग्रह गर्नुभएको छ । बालविकास देखी कक्षा १२ सम्मको शिक्षा निःशुल्क गरेको नीलकण्ठ नगरपालिकाको कामलाई प्रशंसा गर्दै शिक्षा मन्त्री पुनले अरु स्थानीय सरकारलाई पनि शिक्षा निःशुल्क गर्नको लागि आग्रह गर्नुभएको हो ।सोमबार अपराह्न शिक्षा मन्त्रि पुनले सामाजिक सञ्जालमा विद्यालय सन्चालन गर्ने अधिकार संविधानले स्थानिय सरकारलाई दिएको भन्दै नीलकण्ठ नगरपालिकाले जस्तै अन्य स्थानीय सरकारले पनि शिक्षामा लगानी गर्नको लागि आग्रह गर्नुभयो ।

महावीर पुन लैख्नुहुन्छ,“साह्रै राम्रो नीलकण्ठ नगरपालिका,धादिङ जिल्ला–पालिकाका ८७ वटै विद्यालयमा गत २ बर्षदेखी शिक्षा पुर्ण रुपमा निशुल्क(परिक्षा शुल्क समेत) गरेको छ । प्रत्येक विद्यालयलाई कक्षा ९ र १० का प्रति विद्यार्थी रु,५०००/–र कक्षा ११ र १२ का प्रति विद्यार्थी रु.९०००/–का दरले अनुदान दिन्छ ”।

संघीय सरकारका मन्त्री पुनले नीलकण्ठ नगरपालिकाको विषयमा लेखेपछि नगर प्रमुख तथा नेपाल नगरपालिका संघका अध्यक्ष भीमप्रसाद ढुंगानाले आफुलाले शिक्षा क्षेत्रमा जोखिम मोलेर भएपनी गरेको काम प्रति खुसी मिलेको बताउनुभयो ।नगरपालिकाको कुल बजेट मध्ये ४० प्रतिशत बजेट शिक्षामा मात्र लगानी गरेको भन्दै उहाँले शिक्षाबाट कोहिपनि बन्चित हुन नपरोस र अभिभावकहरुलाई आर्थिक भार नपरोस भनेर विद्यार्थीको टाउको गनेर विद्यालयलाई रकम दिने गरेको बताउनुभयो।