कर र नीतिगत व्यवस्थाविरुद्ध सुनचाँदी व्यवसायीहरू विरोधमा

धादिङ, असार २२ गते ।
नेपाल सुनचाँदी कला व्यवसायी सङ्घ जिल्ला शाखा धादिङले विरोध प्रदर्शन तथा धर्ना कार्यक्रम गरेको छ । आईतबार जिल्ला प्रशासन कार्यालय अगाडि विभिन्न मागहरू अघि सार्दै विरोध प्रदर्शन तथा धर्ना कार्यक्रम गरेको हो ।

उनीहरुले सुनमा लगाइएको २% विलासी कर र बहुमूल्य हिरामा १३% भ्याट खारेज गर्न माग गरेका छन्। संघले विरोध कार्यक्रमको क्रममा सरकारसँग सुनको भन्सार दर ६% कायम गर्न र सुनचाँदीको कारोबारलाई व्यवस्थित गर्न स्पष्ट नीति तथा नियमावली निर्माण गर्न माग गरेका छन्।

विरोध प्रर्दशन व्यवसायीहरूले प्लेकार्डसहित हाम्रो धर्ना जारी छ, हाम्रो माग पुरा गर, सुनमा बिलासी कर हटाऊ, जस्ता नारा लगाएका थिए ।

संघका पदाधिकारीहरूका अनुसार यस्ता कर तथा नीतिगत असमानताले व्यवसाय संचालनमा कठिनाइ भएकोले विरोधमा उत्रनु परेको हो। तत्काल माग सम्बोधन नगरिए थप आन्दोलनका कार्यक्रम घोषणा गर्ने चेतावनी पनि दिएका छन्।