धादिङमा भेटेरिनरी दिवसको अवसरमा अन्तिक्रिया

धादिङ, १३ बैशाख ।
धादिङमा भेटेरिनरी दिवसको अवसरमा रेविज रोग नियन्त्रणको लागि समन्वय सहकार्य तथा अन्य विविध विषयमा अन्तिक्रिया गरिएको छ । शनिबार “पशु स्वास्थ्यको लागि सामुहिक पहल“ भन्ने मुल नाराको साथ अन्तिरक्रिया गरिएको हो ।

नीलकण्ठ नगरपालिका पशु सेवा शाखाको अयोजनामा भएको कार्यक्रममा रेबिज रोग र यसबाट बच्न अपनाउनुपर्ने साबधानीहरुको बिषयमा छलफल गरीएको थियो ।

कार्यक्रमलाई सम्बोधन गर्नुहुँदै प्रमुख अतिथी नीलकण्ठ नगरपालिकाका उप–प्रमुख दिपक बिश्वकर्माले रेविज रोग व्यवस्थापनको लागी नगरपालिका गम्भिर भएर लागेको बताउनुभएको छ ।

नगरपालिकाले सामुदायिक कुकुरहरुलाई भ्याक्सिनेशन गर्ने, कुकुर बध्याकरण गर्नेजस्ता कामहरु गरेर रेबिजको जोखिम कम गर्ने प्रयास गरिरहेको बताउनुभएको छ । साथै नगरपालिकाले पशुजन्य समस्याहरु हल गर्नको लागि एक वडा एक पशु प्राविधिकको व्यवस्था गर्ने लक्ष्य लिएकोे बताउनुभयो ।

अन्तरक्रिया कार्यक्रममा पशु सेवा शाखाका डा. आचल श्रेष्ठले बेबासिरे कुकुर व्यवस्थापन, बधशाला व्यवस्थापन गर्नुपर्नेमा जोड दिनुभएको थियो । कार्यक्रम नीलकण्ठ नगरपालिकाका पशु स्वास्थ्य प्राविधिक सुवास खतिवडाले संचालन गर्नुभएको थियो ।