नीलकण्ठ–८ साघुटारमा Earthbag House मोडेलको सार्वजनिक शौचालय निर्माण हुँदै

धादिङ,२५ पुष ।
नीलकण्ठ नगरपालिका–८ साघुटारमा भ्बचतजदबन ज्यगकभ मोडेल प्रयोग गरेर सार्वजनिक शौचालय निर्माण कार्य अघि बढाइएको छ।

सशस्त्र प्रहरी बल आश्रित गुल्म धादिङ र अनन्त आशा नेपालबीचको सहकार्य तथा नीलकण्ठ–८ को समन्वयमा परम्परागत निर्माण शैलीभन्दा पृथक, बोरामा माटो भरेर बनाइने Earthbag House मोडेल प्रयोग गरेर शौचालय निर्माण भइरहेको हो ।

धादिङबेशी बजारबाट ढोला, मैदी, ज्याम्रुङ, सल्यानटारलगायत उत्तरी धादिङ जाने र धादिङ आउने यात्रुहरूलाई लक्षित गरी तथा नजिकै रहेको मरनघाट क्षेत्रमा आउने स्थानीयलाई सुविधा पु¥याउने उद्देश्यले सार्वजनिक शौचालय निर्माण गरिएको नीलकण्ठ नगरपालिकाका प्रवक्ता एवं वडा नं ८ का अध्यक्ष प्रकाश कुमार श्रेष्ठले बताउनुभयो।

“यस शौचालयको निर्माणले स्थानीयस्तरमा स्वच्छता र स्वास्थ्य सुधारमा महत्वपूर्ण योगदान पु¥याउने विश्वास गरिएको छ,” वडा अध्यक्ष श्रेष्ठले भन्नुभयो । यसले मात्र स्थानीय बासिन्दाका लागि नभई यात्रा गर्नेहरूका लागि पनि सहजता प्रदान गर्ने अपेक्षा गरिएको अध्यक्ष श्रेष्ठको भनाइ छ ।

Earthbag House प्रविधि वातावरणमैत्री, सस्तो र दिगो मानिन्छ। यो मोडेलले प्राकृतिक स्रोतको भरपुर उपयोग गरी कम लागतमा सुरक्षित र बलियो संरचना बनाउन मद्दत पु¥याउँछ।