समस्यामा परेका तिनघरेका दलित बालबालिकालाई सहयोग

धादिङ,१३ साउन ।
नीलकण्ठ नगरपालिका वडा नं–२ स्थित अन्नपुर्ण आधारभुत विद्यालयका जना बालबालिकालाई सहयोग गरिएको छ । बुबाको मृत्यु, आमा विदेश गएपछि खान लाउन समस्यामा परेका ३ बालबालिका सहित गरिबीका कारण कष्टकर जीवन विताईरहेका ७ बालबालिकालाई कपडा जुत्ता, स्टेसनरी र खाद्यान्न उपलब्ध सहयोग गरिएको हो ।

मानवी क्रियटिभ एशोसिएसनका अध्यक्ष बद्री प्रसाद ढुंगाना र सचिव जयन्ती अधिकारीले १५ हजार बराबरको कपडा, जुत्ता सहयोग गर्नुभएको हो। ढुंगाना हाल बैदेसिक रोजगारको सिलसिलामा जापानमा हुनुहुन्छ । त्यसैगरी अधिकारकर्मी हाल इजरायलमा कार्यरत राजन दुवाडीले स्टेस्नरी सामान, नीलकण्ठ–८ का प्रदिप सुवेदीले खाद्यन्न सामाग्री र त्रिपुरा पुस्तक पसलका नारायण कुमार श्रेष्ठले ट्रयाकसुट सेट सहयोग गर्नुभएको हो ।

आईतवार विद्यालयमा एक कार्यक्रमका बिच सामाग्री वितरण गरिएको थियो। विद्यालय व्यवस्थापन समिति अध्यक्ष कोपिला कोइराला, प्रधानाध्यापमक उर्मिला तिमल्सिना, पत्रकार सिताराम अधिकारी र आकाश लम्सालले उक्त सामाग्री वितरण गर्नुभएको हो ।

बाबुको मृत्यु भएको र आमा विदेश गएका पार्वती, रामशरण र राजेन्द्र मिजारले लगाउने कपडा र खानेकुरा नभएपछि कष्टकर जीवन विताउदै आएका छन् । रबिन सुनार, इन्दीरा मिजार, सन्जीता मिजार र अनुस्का सुनारको अवस्था अत्यन्त दयनीय भएको समाचार इन्सेक अनलाइन, नेपाल समाचार पत्रको न्युजअफ नेपाल डटकम, कन्दरा समाचार डटकममा प्रकाशित र नीलकण्ठ एफएममा नीलकण्ठ एफएममा प्रशारित समाचारको प्रभावबाट दाताहरुले सहयोग उपलब्ध गराउनुभएको हो।

सहयोगि ढुंगानाले मानवी क्रियटिभ एसोसियसनले आगामी समयमा स्टेसनरी कपडा उपलब्ध गराउने बताउनुभएको छ ।

अन्नपुर्ण आधारभुत विद्यालयमा ६६ जना विद्यार्थी अध्ययनरत रहेकोमा ५० जना दलित बालबालिका रहेको प्रधानाध्यापक तिमल्सिनाले बताउनुभयो । ती बालबालिकाहरु गरिबिको रेखामुनी रहेको उहाँको भनाइ छ ।

बालबालिकाको अवस्थाको बारेमा समाचार पढेपछि नीलकण्ठ नगरपालिका वडा नं ३ का वडा अध्यक्ष राजकुमार श्रेष्ठले विद्यालय पोशाक र जुत्ता र निजी विद्यालय संचालक विनोदमान श्रेष्ठले झोला, सरसफाई सामाग्री उपलब्ध गराउने प्रतिबद्धता व्यक्त गर्नुभएको छ ।