धादिङ जिल्ला ब्याडमिन्टन संघको अध्यक्षमा विष्णुलाल श्रेष्ठ निर्वाचित

धादिङ,१८ चैत 
धादिङ जिल्ला ब्याडमिन्टन संघको बार्षिक साधारण सभा तथा अधिवेशन धादिङबेसीमा सम्पन्न भएको छ।अधिवेशनले विष्णुलाल श्रेष्ठको अध्यक्षमा १३ सदस्यीय नयाँ कार्य समिति चयन गरेको छ।नवगठीत समितिको उपाध्यक्षमा राजेन्द्र अधिकारी र रामचन्द्र गिरी, सचिवमा भीषण श्रेष्ठ, कोषाध्यक्षमा लक्ष्मी कुमार श्रेष्ठ सर्वसम्मत चयन हुनुभएको छ ।

यस्तै सदस्यहरुमा राम सिं तामाङ, राजकुमार श्रेष्ठ, नवराज सिलवाल, रामकुमार श्रेष्ठ, रमेश ढकाल,अन्जान श्रेष्ठ, महिला सदस्यहरुमा रेखा अधिकारी (पण्डित) र सरस्वती थापा चयन हुनुभएको छ।

नेपाल ब्याडमिन्टन संघ काठमाण्डौका सचिव नविन विक्रम शाहको प्रमुख आतिथ्यतामा सम्पन्न भएको अधिवेशनमा बागमती प्रदेश व्याडमिन्टन संघका सदस्य बुद्धी बहादुर थापाको विशेष आतिथ्यता रहेको कार्यक्रममा वडा नम्बर ३ का वडा अध्यक्ष राजकुमार श्रेष्ठ लगायत सरोकारवाला निकायहरुको आतिथ्यता रहेको थियो।