धादिङ अस्पतालबाट पाठेघरको निशुल्क शल्यक्रिया हुने

धादिङ,१३ चैत ।
धादिङ अस्पतालले पाठेघरको शल्यकृया निशुल्क गर्ने भएको छ ।
धादिङ,नुवाकोट र रसुवाका महिलालाई निशुल्क रुपमा धादिङ अस्पतालले पाठेघरको शल्यक्रिया गर्नेे भएको छ ।

यसअघि पाठेघरको निशुल्क चेकचाज गरिने भएपनि शल्यक्रियाको लागि भने बिरामीले ८ हजार तिनुपर्ने थियो । तर,अब भने बिरामीले चेकजाँजको मात्रै नभएर शल्यक्रिया गर्न समेत कुनै शुल्क तिर्नु नपर्ने धादिङ अस्पतालका मेसु डा.मधुकर दाहालले बताउनुभयो ।

हरेक महिनाको दोस्रो र अन्तिम शुक्रबार पाठेघरको शल्यक्रिया गरिनेछ । आर्थिक अवस्था कमजोर भएका महिलाले रोगलाई लुकाएर राख्ने गरेकोले नेपाल सरकारको आर्थिक सहयोगमा तीन जिल्लाका सय जना महिलाको पाठेघरको शल्यकृया गरिने अस्पतालका मेसु डा.दाहालले बताउनुभयो । धादिङ, नुवाकोट र रसुवाका महिलाले पाठेघरको समस्या भएकाहरुले धादिङ अस्पतालमा आएर सेवा लिन समेत दाहालले आग्रह गर्नुभयो ।