प्रजातन्त्र दिवसमा साङ्कोष मा.विका विद्यार्थीलाई शैक्षिक सामग्री वितरण
धादिङ–२ मा बोधनारायण श्रेष्ठको वाचा पत्र सार्वजनिक, “सुशासन, रोजगारी र पूर्वाधार विकास” मुख्य एजेन्डा
कार्यसम्पादन मूल्याङ्कन : धादिङमा बेनीघाट रोराङ प्रथम, नीलकण्ठ दोस्रो र खनियाबास सबैभन्दा पछाडि
दोस्रो मेयर कप फुटसल प्रतियोगिताको उपाधि एक्सन नेपाललाई
धादिङ दुर्घटना अपडेट : १९ जनाको मृत्यु, २५ घाइते (विवरण सहित)
धादिङमा चट्याङ पर्दा एक किशोरीको मृत्यु, दुई जना घाइते
धादिङ,२५ फागुन
नीलकण्ठ नगरपालिकाको आयोजनामा अन्तराष्ट्रिय श्रमिक महिला दिवसको अवसरमा बुधबार वक्तृत्वकला प्रतियोगिता तथा अन्तरक्रिया कार्यक्रम सम्पन्न भएको छ। ‘लैंगिक समानताको बलियो आधार, सिर्जनात्मक प्रविधिमा महिलाको पहुँचको विस्तार’ भन्ने मूल नारासहित यस वर्षको नारी दिवस मनाइएको हो ।श्रममा महिला पुरुष बराबरी,सम्मृद्ध नेपालमा हाम्रो हिस्सेदारी विषयमा सम्पन्न भएको प्रतियोगितामा नीलकण्ठ नगरपालिकाका विभिन्न वडा र सहकारीकागरी पाँच जनाले प्रतियोगितामा सहभागिता जनाउनुभएको थियो।
प्रतियोगितामा नीलकण्ठ नगरपालिका वडा नं.१२ का रीता खनाल प्रथम, सरिता तामाङ द्वितीय, नमिता अधिकारी तृतीय र सपना अर्यालले सान्वतना स्थान प्राप्त गर्नुभएको थियो ।बिजेताहरुलाई क्रमश ५ हजार, ४, ३ र २ हजार नगद पुरस्कार सहित प्रमाणपत्र वितरण गरिएको थियो।
कार्यक्रमलाई सम्बोधन गर्नुहुँदै जिल्ला समन्वयन समितिका प्रमुख नवराज अधिकारीले संविधान पनि समय सँगसँगै परिवर्तन गर्दै महिलाको हक हितको लागि हामीले संविधानमा भएको व्यवस्थाको पनि अझै परिवर्तन गर्दै जानुपर्नेमा जोड दिनुभयो ।
सबै महिलालाई समान अधिकार दिएर मात्रै हुँदैन महिलाको पनि वर्गिकरण गरेर विशेष अधिकार दिनुपर्छ,नीलकण्ठ नगरपालिकाका उपप्रमुख दिपक विश्वकर्माले भन्नुभयो,“महिलाले मात्रै नभएर पुरुषले पनि महिला हक अधिकारका बारेमा बोल्नुपर्छ ।” स्थानीय सरकारले महिला पुरुषमा कुनै प्रकारको विभेद हुन नदिने वातावरण निर्माण गर्न जरुरी रहको नीलकण्ठ नगरपालिकाका सामाजिक विकास संयोजक चिनामाया श्रेष्ठले बताउनुभयो।उहाँले महिलालाई सशक्त रूपमा अघि बढाउन स्थानीय सरकारले महिलाको कामको मूल्यांकन गर्नुपर्ने बताउनुभयो ।“विगतका दिनहरुको तुलनामा समाज खुल्ला हुँदै गएको छ चेतनाको विकास क्रमशः बढ्दै गएको छ”महिला नेतृ भगवती पौडेलले भन्नुभयो, “महिला दिवस मनाउन थालेको वषौं भएपनि महिलामा क्रमिक सुधार आएपनि अहिले भईरहेको चेतनाको स्तरबाट सन्तुष्टि गर्न सकिने अवस्था छैन।
यसै कार्यक्रम बीच जिल्ला प्रहरी कार्यालयले धादिङ जिल्लाको महिला बालबालिका तथा जेष्ठ नगारिक विरुद्ध घट्ने विभिन्न अपराधहरुको त्रि वर्षिय तथ्यांङ्क सार्वजनिक गरिएको थियो भने अधिवक्ता विश्वराज अधिकारीले लैङ्गिक हिंसा सम्बन्धी कानुनी व्यवस्थाको कार्यपत्र प्रस्तुत गर्नुभएको थियो।नीलकण्ठ नगरपालिकाको सामाजिक विकास संयोजक चिनामाया श्रेष्ठको स्वागतसँगै शुरु भएको कार्यक्रम नगर उपप्रमुख दिपक विश्वकर्माको सभापतित्वमा सम्पन्न भएको थियो।
