सहिद सप्ताहको अवसरमा हस्त बहादुर गुरुङको शालिक अनावरण

धादिङ,२१ फागुन

सहिद सप्ताहको अवसर पारेर माओवादी जनयुद्धका सहिद हस्त बहादुर गुरुङ (जीवन) को शालिक बागमती प्रदेशको मुख्यमन्त्री शालिकराम जम्कट्टेलले अनावरण गरेका गर्नु भएको छ ।सहिदहरुको सम्मान र सम्झनाका लागी शनिबार नीलकण्ठ नगरपालिका १४, धुवाकोट भँगेरीस्थानमा निर्मित सहिद हस्त बहादुर गुरुङ शालिक एक विशेष कार्यक्रमको आयोजना गरि अनावरण गरिएको हो।

नीलकण्ठ नगरपालिकाको आर्थिक सहयोगमा निर्मित सालिक अनावरण कार्यक्रममा माओवादी केन्द्र धादिङका संयोजक मजराज भण्डारी, नीलकण्ठ नगरपालिकाका उप प्रमुख दिपक विश्वकर्मा, नगर कमिटीका अध्यक्ष सम्भु श्रेष्ठ,नगर सचिव चन्द्र बहादुर लम्साल,सहिद परिवारका आफन्तजन लगायत माओवादी केन्द्रका प्रदेश,जिल्ला र नगर स्थितका नेता तथा कार्यकर्ताको उपस्थिति रहेको थियो ।

सालिक अनावरण कार्यक्रमलाई सम्बोधन गर्दै बागमती प्रदेशका मुख्यमन्त्रि शालिकराम जम्कट्टेलले सहिदहरुले लिएको सपनाहरु पुरा गर्न आफुहरु अहोरात्र काम गरीरहेको बताउनुभयो । उहाँले सहिदहरुले देखाएको बाटोमा आफुहरु बिचलित नभएको भन्दै जनाताको आशा अपेक्षालाई आगामी दिनमा पुरा गर्दै लैजाने बताउनु भएको छ ।सहिद सप्ताह फागुन १४ गते देखि शुरु भई आज सम्म बिबिध कार्यक्रमका साथ मनाईदै छ