मैदीकोटमा सम्पन्न भएको रक्तदान कार्यक्रममा १४० जनाले गरे रक्तदान

धादिङ,२ माघ ।

चौथो खड्गदेवी उत्सवको अवसरमा आईतबार मैदीकोटमा बृहत खुल्ला रक्तदान कार्यक्रम सम्पन्न भएको छ ।रगतको चरम अभावलाई मध्यनजर गर्दै नेपाल रेडक्रस सोसाईटी मैदी उप शाखा धादिङले बृहत रक्तदान कार्यक्रमको आयोजना गरेको हो ।

रक्तदान कार्यक्रममा ज्वालामुखी गाउँपालिका वडा नम्बर ३ को कार्यालयको सह आयोजनामा स्थानीय संघ संस्था मैदीकोट खड्देवी मन्दिर संरक्षण समिति,खड्कदेवी युवा क्लब,मैदी ग्रामिण कृषि बहुउदेश्यीय सहकारी संस्था लिमिटेड मैदी,लायन्स क्लब अफ काठमाण्डौँ ब्लड सर्कल,लायन्स क्लब अफ सोसियल सर्कल काठमाण्डौँ,लायन्स क्लब अफ काठमाण्डौँ जुपिटर,सामाजिक रुपान्तरणको लागि स्थानीय प्रयास नेपालको सहकार्यमा सम्पन्न भएको छ ।

रक्तदान कार्यक्रममा २८ महिला र ११२ पुरुष गरी १४० जनाले रक्तदान गर्नुभएको नेपाल रेडक्रस सोसाईटी धादिङ जिल्ला शाखाका उपमन्त्री नारायण कुमार श्रेष्ठले जानकारी दिनुभयो। धादिङमा अभियानकै रुपमा रक्तदान कार्यक्रम आयोजना गरिदै आएको छ।

जिल्लामा रगतको चरम अभावलाई न्युनीकरण गर्नको लागी विभिन्न मेला, पर्व, उत्सव, विद्यालयको बार्षिक उत्सव,सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको छ। यस चालु आर्थिक बर्षमा सबैभन्दा धेरै मैदीकोटमा सम्पन्न भएको बहृत रक्तदान कार्यक्रममा रक्तदान गर्नुभएको उपमन्त्री नारायण कुमार श्रेष्ठले जानकारी दिनुभयो ।

बृहत खुल्ला रक्तदान कार्यक्रममा नगद तथा जीन्सी सामाग्री सहयोग गर्नेको नाम लिष्ट यसप्रकार रहेको छ ।