भोलीदेखी दोश्रो नीलकण्ठ मेयर फुटसल प्रतियोगिता हुदै

धादिङ,५ फागुन
धादिङको नीलकण्ठ नगरपालिकाको आयोजनामा भोलीदेखी दोस्रो नीलकण्ठ मेयर फुटसल प्रतियोगिता सुरु हुदैछ ।नीलकण्ठ नगरपालिकामा आज पत्रकार सम्मेलन गरेर प्रतियोगिताको सम्पुर्ण तयारी सकिएको जानकारी गराईएको हो । नगरपालिकाका प्रमुख प्रशासकीय अधिकृत हरिदत्त कंडेलले प्रतियोगिताको तयारी सकिएको जानकारी गराउँदै भोली ९ बजेबाट उद्घाटन खेल सुरु हुने जानकारी दिनुभयो । धादिङका २० टिम र धादिङबाहिरको ६ टिमले प्रतियोगितामा सहभागिता जनाउने भएका छन् ।

प्रतियोगितामा झापा,गोरखा काठमाण्डौँ लगायत अन्य जिल्लाबाट प्रतियोगितामा सहभागिता जनाउनेछन् । पत्रकार सम्मेलन मार्फत खेलका लागि टाइसिट बनाइएको थियो । प्रतियोगितामा प्रथम हुनेलाई एकलाख ११ हजार १ सय ११, द्वितिय हुनेलाई ५५ हजार ५ सय ५५, तृतिय हुनेलाई २२ हजार २ सय २२ र सान्त्वना हुने टिमलाई ११ १ सय ११ रुपैयाँ पुरस्कार दिइने छ यसैगरि उत्कृष्ठ गोलकर्ता, उत्कृष्ठ खेलाडी, उत्कृष्ठ गोलरक्षक र उत्कृष्ठ डिफेण्डरलाई ६ हजार ६ सय ६६ रुपैयाँका दरले पुरस्कृत गरिने छ । भोली विशेष कार्यक्रमका बिच नीलकण्ठ नगरपालिकाका प्रमुख तथा नेपाल नगरपालिका संघका अध्यक्ष भीम प्रसाद ढुंगानाले उद्घाटन गर्नुहुनेछ ।