धादिङबेशीमा हानबीको शाखा खुल्यो, जापान अध्ययनका लागि भाषा तथा परामर्श सेवा प्रदान गरिने
धादिङ प्रहरीको अपरेशनः अफिम, भरुवा बन्दुक र फरार अभियुक्त पक्राउ
निर्माण सामग्रीको अस्वाभाविक मूल्यवृद्धिविरुद्ध धादिङका व्यवसायी आन्दोलित
बेरुजु फछ्यौटमा नीलकण्ठको उल्लेखनीय सफलता : धादिङमा पहिलो, देशभरमा नवौँ
धादिङबेशीमा वर्तमान अवस्थामा सहकारी बिषयक अन्तरक्रिया
नेपाली कांग्रेसको केन्द्रीय अनुशासन समितिको सदस्यमा रमेश धमला चयन
धादिङ,६ माघ
धादिङमा आगामी निर्वाचनका लागि राजनीतिक दल तथा स्वतन्त्र उम्मेदवारहरूले मनोनयन दर्ता गराएका छन्। निर्वाचन कार्यतालिकाअनुसार आज जिल्ला निर्वाचन अधिकृतको कार्यालय धादिङमा उम्मेदवारी दर्ता गरिएको हो।धादिङ निर्वाचन क्षेत्र नम्बर २ मा नेपाली कांग्रेसका तर्फबाट रमेश धमलाले मनोनयन दर्ता गराएका छन्। कांग्रेसका नवनिर्वाचित केन्द्रीय सदस्य तथा धादिङका पूर्व सभापति धमलाको संघीय तहमा यो पहिलो उम्मेदवारी हो। यसअघि २०७४ सालमा उहाँ प्रदेशसभा सदस्यको उम्मेदवार बन्नुभएको थियो।
उक्त क्षेत्रमा नेकपा एमालेबाट संविधानसभा सदस्यसमेत रहनुभएका धनबहादुर घलेले उम्मेदवारी दर्ता गराउनुभएको छ। पार्टी अध्यक्ष केपी शर्मा ओलीको हस्ताक्षरसहित जारी औपचारिक पत्रका आधारमा घलेले मनोनयन दर्ता गराएका हुन्। यसैगरी नेकपा एमालेबाट चन्द्र रिजाललाई हिजो मात्र टिकट ल्याउनुभएको थियो । एकाएक पुनः घलेले उम्मेद्वारी दर्ता गराएपछि रिजालले निर्वाचन अधिकृत कार्यालयमा लफडा गर्नुभएको थियो ।
धादिङ–२ मा नेपाली कम्युनिस्ट पार्टीबाट ‘जनयुद्धका जिउँदा साक्षी’ भनेर चिनिने रामबहादुर भण्डारीले उम्मेदवारी दर्ता गराउनुभएको छ। लडेर घाइते भएपछि बाँया खुट्टामा ब्याण्डेज बाँधी बैशाखीको सहारामा निर्वाचन कार्यालय पुगेर उहाँले मनोनयन दर्ता गराउनुभएको हो। उहाँ तत्कालीन माओवादी केन्द्र र एकीकृत समाजवादी एकीकरणपछि बनेको नेकपाका उम्मेदवार हुनुहुन्छ।राष्ट्रिय स्वतन्त्र पार्टीबाट बोधनारायण श्रेष्ठले धादिङ–२ मा उम्मेदवारी दर्ता गराउनुभएको छ ।
साथै राप्रपाबाट सुरेश रिजाल, प्रगतिशील लोकतान्त्रिक पार्टीबाट वीरबहादुर तामाङ, मंगोल नेशनल अर्गनाइजेशनबाट वीरबहादुर लामा, श्रम संस्कृति पार्टीबाट टासी लामा तामाङ तथा संयुक्त नागरिक पार्टीबाट देवेन्द्र गैरेले पनि उम्मेदवारी दर्ता गराउनुभएको छ । ।त्यस्तै, धादिङ निर्वाचन क्षेत्र नम्बर १ मा नेपाली कांग्रेसबाट कृष्ण रिजालले मनोनयन दर्ता गराउनुभएको छ । । नेपाली कम्युनिस्ट पार्टीबाट राजेन्द्रप्रसाद पाण्डे उम्मेदवार बन्नुभएको छ । पुर्व मुख्यमन्त्री समेत रहनुभएका पाण्डेले र्याली सहित कार्यकर्ताको तामझाम सहित उम्मेद्वारी दर्ता गराउनु भएको छ ।
यसैगरी नेकपा एमालेबाट भूमि त्रिपाठीले नेता–कार्यकर्ताको ¥यालीसहित गल्छीस्थित निर्वाचन अधिकृतको कार्यालय पुगेर उम्मेदवारी दर्ता गराउनुभएको छ। त्रिपाठी एमाले केन्द्रीय सदस्य तथा जिल्ला कमिटी धादिङका पूर्व अध्यक्ष हुन्।धादिङ–१ मा राष्ट्रिय स्वतन्त्र पार्टीबाट सामाजिक अभियन्ता आशिका तामाङले उम्मेदवारी दर्ता गराएकी छन् । सामाजिक अभियन्ता तामाङ पनि कार्यकर्ताको र्याली सहित उम्मेदवारी दर्ता गराएकी हुन् ।मनोनयन दर्ताका क्रममा दलका नेता, कार्यकर्ता तथा समर्थकहरूको उल्लेख्य उपस्थिति रहेको थियो। उम्मेदवारी दर्तासँगै धादिङमा चुनावी गतिविधि थप तीव्र बन्दै गएको छ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
010521430, 9851120850
प्रेस काउन्सिल दर्ता न: ......
सूचना विभाग दर्ता नम्बर: .....
| अध्यक्ष : | बद्रि अधिकारी |
| प्रधानसम्पादक : | ..... | कार्यक्रारी सम्पादक : |
| ब्यबस्थापक : | .... |
| कानूनी सल्लाहकार : | ..... |
| बजार ब्यबस्थापक : | ..... |