नेकपा एमालेका अध्यक्ष ओली चैत २६ गते धादिङको सेर्तुङ आउने

धादिङ,१८ चैत
नेपाल कम्युनिष्ट पार्टी(नेकपा)एमालेका अध्यक्ष केपी शर्मा ओली यहि चैत २६ गते रुवीभ्याली गाउँपालिकाको सेर्तुङ आउनुहुने भएको छ । नेकपा एमालेले सन्चालन गरेको मिसन ग्रासरुट अभियान अन्तरगत सेर्तुङमा हुने सभालाई सम्बोधन गर्न ओली सेर्तुङ आउनुहुने भएको हो ।

शनिबार नेकपा एमाले धादिङले धादिङबेसीमा पत्रकार सम्मेलन गरेर रुवी भ्याली गाउँपालिका कमिटीको आयोजनामा सेर्तुङमा हुने बृहत सांस्कृतिक सहितको जनसभालाई सम्बोधन गर्न २६ गते ओलि आउने कार्यक्रम बारे जानकारी गराएको हो।

ओलिले उक्त सभालाई सम्बोधन गर्नुको साथै रुवी भ्यालीको पाङसाङ पास घुम्ने कार्यक्रम रहेको एमाले धादिङका जिल्ला अध्यक्ष भुमि त्रिपाठीले जानकारी दिनुभयो ।