ज्वालामुखीमा जारी एक हप्ते दन्त शिविर सम्पन्न, दुई सय त्रियानब्बे जनाले सेवा लिए

धादिङ,४ चैत
ज्वालामुखी गाउँपालिकामा संचालन भएको एक हप्ते निःशुल्क दन्त सम्पन्न भएको छ । एक हप्ता सम्म सन्चालन भएको शिविरमा २ सय ९३ जनाले विशेषज्ञ सेवा लिएका छन् । गाउँपालिकाको वडा नं २ स्थित संस्कृत तथा साधारण माध्यमिक विद्यालयमा भएको शिविरमा २ सय ९३ जनाले सेवा लिएका स्वास्थ्य शाखा प्रमुख सुजन श्रेष्ठले जानकारी दिनुभयो।

शिविरमा किराले खाएको दाँत उखेल्ने, दाँत सफा गर्ने, साथै दाँतको समस्याको पूर्ण उपचार सहितको निःशुल्क सेवा प्रवाह गरिएको स्वास्थ्य शाखा प्रमुख सुजन श्रेष्ठले जानकारी दिनुभयो ।

ज्वालामूखी गाउँपालिकाको आयोजनामा, हिमालयन हर्ट ट्रेकस एण्ड एक्सपिडिसन साथै भैरवी दन्तोकेयर धादिङवेशीको सहयोगमा फागुन २९ गतेदेखिसुरु भएको शिविर सम्पन्न भएको हो।शिविरकै अवसरमा पालिकाका ८ जना स्वास्थ्यकर्मीहरुलाई दाँतको उपचार सम्वन्धि आधारभूत तालिम समेत दिइएको श्रेष्ठले बताउनुभयो ।