धादिङ,४ चैत
बागमती प्रदेश सरकारले कृषि पेशालाई प्राथमिकता दिएर काम गर्ने बताउनु भएको छ । कृषिमा लगानी नगरेसम्म विकास नहुँने भन्दै उहाँले कृषकहलाई ज्ञान,बिऊ,मल र पानीको व्यवस्थान गर्ने गरी काम गरीरहेको बताउनु भएको छ । धादिङ उद्योग बाणिज्य संघको २९ औ बार्षिक साधारण सभालाई शनिवार धादिङबेसीमा सम्बोधन गर्दै उहाँले व्यक्तीलाई अनुदान दिने कार्य बन्द गरेर समुहमा अनुदान दिने कार्यक्रम लागु गरेको बताउनुभयो ।
शिक्षा र स्वास्थ्य क्षेत्रमा लगानी गरेर काम गरीरहेको भन्दै उहाँले धादिङ अस्पताललाई आफ्नो व्यक्तीगत पहलबाट काम गरीरहेको पनि स्पष्ट पार्नुभयो । धादिङको बिकास र उन्नतीको लागी आफुहरु प्रतिवद्ध भएर लागिरहेको बताउनु भएको छ । १३ वटै स्थानीय तहका प्रमुख,संघीय तथा प्रदेश सांसद र कर्मचारीहरुसँग बसेर जिल्लाको विकासको लागि कुराकानी गर्ने समेत बताउनुभयो ।
मुख्यमन्त्रि जम्कट्टेलले ब्यवसायीहरुलाई हाल भएको समस्यालाई आफुले नजिकबाट नियालेकोे भन्दै त्यस तर्फ हातेमालो गरेर अगाडी बढ्ने बताउनु भएको छ ।शनिबार जिल्ला समन्वय समितिको सभाहलमा संस्थाका अध्यक्ष बिष्णु प्रसाद थपलियाको अध्यक्षता तथा बागमती प्रदेशका मुख्यमन्त्री शालिकराम जम्कट्टेलको प्रमुख आतिथ्यतामा कार्यक्रम सम्पन्न भएको हो।साधारण सभामा संस्थाका महासचिव तिलक सिम्खडाद्धारा प्रस्तुत नीति तथा कार्यक्रमहरु र कोषाध्यक्षद्धारा प्रस्तुत आर्थिक प्रतिवेदन सर्वसहमत पास गरिएको छ ।कार्यक्रममा संघीय सांसद रामनाथ अधिकारी,विभिन्न राजनीतिक दलका प्रमुख एवमं प्रतिनिधि,स्थानीय तहका प्रमुख लगायतको विशेष आतिथ्यता रहेको थियो ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
010521430, 9851120850
प्रेस काउन्सिल दर्ता न: ......
सूचना विभाग दर्ता नम्बर: .....
अध्यक्ष : | बद्रि अधिकारी |
प्रधानसम्पादक : | ..... | कार्यक्रारी सम्पादक : |
ब्यबस्थापक : | .... |
कानूनी सल्लाहकार : | ..... |
बजार ब्यबस्थापक : | ..... |