चिल्ड्रेनपार्कमा भएको अन्तर विद्यालय स्तरीय नृत्य प्रतियोगितामा नीलकण्ठ मा.वि प्रथम

धादिङ,११ माघ ।
चिल्ड्रेनपार्क आवसीय माध्यमिक विद्यालयमा भएको अन्तर विद्यालय स्तरीय लोक नृत्य प्रतियोगितामा नीलकण्ठ माध्यमिक विद्यालय प्रथम भएको छ ।

चिल्ड्रेनपार्क आवसीय माध्यमिक विद्यालयले आफ्नो २५ औँ वार्षिक उत्सव तथा रजत जयन्तीको अवसरमा आयोजना गरेको नृत्य प्रतियोगितमा नीलकण्ठ माध्यमिक विद्यालय प्रथम भएको हो ।

यस्तै प्रतियोगितामा एड्भान्स एकेडेमी द्धितिय र सुनौलो भैरवी माध्यामिक विद्यालय तृतिय भएको छ । प्रतियोगितामा प्रथम, द्धितिय र तृतिय हुने विद्यालयका विद्यार्थीहरुलाई नगद सहित प्रमाण पत्र प्रदान गरिएको चिल्ड्रेनपार्कका प्रिन्सिपल शष्टी कुमार श्रेष्ठले बताउनुभयो ।

कार्यक्रममा विद्यालयका बीबीएस, एसईई उत्रिर्ण विद्याथीहर्रुलाई बधाई तथा विदाई पनि गरिएको श्रेष्ठले बताउनुभयो । चिल्ड्रेनपार्क आवसीय माध्यमिक विद्यालयलका प्रिन्सिपल शष्टी कुमार श्रेष्ठका अनुसार विद्यालयले रजत जयन्तीको अवसरमा बजार सरसफाई, बृहत रत्तदानका कार्यक्रम सम्पन्न गरिसकेको छ भने १२ गते बिहीबार अभिभावक नृत्य सहित रजत जयन्ती समारोह समापन कार्यक्रम रहेको जानकारी दिनुभयो ।