धादिङ खेलकुद विकास समितिको अध्यक्षमा पुनःतामाङ नियुक्त

जिल्ला खेलकुद विकास समिति धादिङको अध्यक्षमा पुनः प्रताप सिं तामाङ नियुक्त हुनुभएको छ।तामाङलाई सोमबार बागमती प्रदेश सरकारले जिल्ला खेलकुद विकास समिति धादिङको अध्यक्षमा पुन २ वर्षका लागि नियुक्ती दिएको हो ।

गठबन्धन सरकारले यसअघि नेकपा सरकारको पालामा नियुक्त भएका सबै जिल्ला अध्यक्षहरुको कार्यअवधी नसकिदै पदमुक्त गरेको थियो। तामाङलाई फेरि गठबन्धन सरकारले जिल्ला खेलकुद विकास समिति धादिङ अध्यक्षका लागि नियुक्ती दिएको हो।

तामाङ माओवादी केन्द्रबाट जिल्ला खेलकुद विकास समितिको कोटाबाट अध्यक्षमा नियुक्त हुनुभएको हो।तामाङलाई यसअघि तत्कालिन मुख्यमन्त्री डोरमणि पौडेल नेतृत्वको सरकारले २०७६ माघ २२ गते पहिलो पटक खेलकुद विकास समिति धादिङको अध्यक्षमा नियुक्त गरेको थियो ।