नीलकण्ठमा DXN को स्वास्थ्य सचेतना तथा व्यावसायिक अवसरसम्बन्धी तालिम सम्पन्न
धादिङमा उच्च सतर्कता अपनाउन जिल्ला प्रशासन कार्यालय धादिङको आग्रह
पशुपति बहुउद्देश्यीय सहकारीको अध्यक्षमा जयराम भण्डारी चयन
पन्टुन पुल निर्माण सम्बन्धी धुनिवेशीमा बसेको स्थानीय तहका प्रमुखहरुको बैठकले गर्यो यस्ता ४ निर्णय
प्रसन्न स्वास्थ्य आमा सहकारीमा वित्तीय साक्षरता र मनोसामाजिक परामर्श तालिम सुरु
सुरक्षित वैदेशिक रोजगारका लागि सचेतना र समन्वयमा जोड
धादिङ, ३० कार्तिक।
धादिङको नीलकण्ठ नगरपालिका–५ स्थित ऐतिहासिक तारुका कालिका मन्दिरमा आगामी मंसिर ४ गते हरिबोधनी एकादशी मेला महोत्सव तथा न्वागी कार्यक्रम आयोजना हुने भएको छ।कालिका मन्दिरको धार्मिक, सांस्कृतिक तथा ऐतिहासिक महत्वको संरक्षण, विकास र प्रवर्द्धन गर्ने उद्देश्यले परम्परादेखि सञ्चालन हुँदै आएको एकादशी मेला यस वर्ष पनि विशेष कार्यक्रमसहित आयोजना गर्न लागिएको खर्क टोल विकास संस्थाका सचिव नवीन ढुंगानाले जानकारी दिनुभयो।
“कालिका मन्दिरको शान, विकाससहित जगेर्ना गर्ने हाम्रो अभियान” भन्ने मूल नाराका साथ आयोजना हुने कार्यक्रममा चर्चित लोकदोहोरी गायक अमृत मगर र दिल श्रेष्ठ, गायिका सीता सुवेदी र मञ्जरी श्रेष्ठ तथा नृत्य कलाकार लिला बुढामगर र तिर्सना बराइलीको विशेष सांगीतिक तथा सांस्कृतिक प्रस्तुति रहने आयोजकले जनाएको छ।त्यसैगरी पहरेछाप नौमती बाजा समूहको विशेष प्रस्तुति सहित विभिन्न मनोरञ्जनात्मक तथा सांस्कृतिक कार्यक्रमसमेत सञ्चालन गरिनेछ।
धार्मिक आस्था, मौलिक संस्कृति र परम्पराको संरक्षणसँगै स्थानीय कला, संस्कृति तथा पर्यटन प्रवर्द्धन गर्ने लक्ष्यले कार्यक्रम आयोजना गर्न लागिएको आयोजकले जनाएको छ।श्री तारुका कालिका मन्दिर संरक्षण तथा गुठी व्यवस्थापन समिति र नीलकण्ठ नगरपालिका–५ मूल आयोजक रहेको कार्यक्रमको सहआयोजकमा खर्क टोल विकास संस्था तथा देवीस्थान–गैरीगाउँ टोल विकास संस्था रहेका छन्।मेला तथा न्वागी कार्यक्रममा सहभागी भई धार्मिक तथा सांस्कृतिक परम्पराको संरक्षणमा योगदान पुर्याउन आयोजकले स्थानीयवासी तथा श्रद्धालु भक्तजनलाई आग्रह गरेको छ।

स्थानीय मुद्दादेखि राष्ट्रिय सरोकारसम्म, भरपर्दो समाचार र जनताको आवाजलाई जोड्ने निलकन्ठ एफ.एम. र अनलाइन खबर पोर्टल ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
बागमती प्रदेश, नेपाल
प्रेस काउन्सिल दर्ता न: ......
सूचना विभाग दर्ता नम्बर: .....
| अध्यक्ष : | बद्रि अधिकारी |
| प्रधानसम्पादक : | ..... |
| कार्यक्रारी सम्पादक : | |
| ब्यबस्थापक : | .... |
| कानूनी सल्लाहकार : | ..... |
| बजार ब्यबस्थापक : | ..... |
ताजा समाचार, विशेष सामग्री र रेडियो कार्यक्रम सुन्न हामीसँग जोडिनुहोस् ।