पन्टुन पुल निर्माण सम्बन्धी धुनिवेशीमा बसेको स्थानीय तहका प्रमुखहरुको बैठकले गर्‍यो यस्ता ४ निर्णय

धादिङ,१५ कार्तिक
धादिङको मलेखुस्थित फुर्केखोलामा अस्थायी पन्टुन पुल निर्माण तथा सञ्चालनका लागि जिल्लाका १३ वटै स्थानीय तहका प्रमुख तथा उपप्रमुखहरूको बैठक बसेको छ।बैठकमा नीलकण्ठ नगरपालिकाका प्रमुख तथा नेपाल नगरपालिका संघका अध्यक्ष भीमप्रसाद ढुंगाना सहित जिल्लाका १३ वटै स्थानीय तहका प्रमुख तथा उपप्रमुखहरूको सहभागिता रहेको थियो।बैठकले विभिन्न ४ वटा महत्वपुर्ण निर्णयहरु गरेको छ ।

फुर्केखोलमा निर्माण हुने पुलमा १३ वटै स्थानीय सरकारकाको सहमतिमा अन्तरपालिका कार्यविधि बनाएर खर्च व्यवस्थापन गर्ने निर्णय गरेको छ।यसैगरी राजापुर सिचाई व्यवस्थापन कार्यालय बर्दियाको मातहातमा रहेको पन्टुन ब्रिज स्थानिय तहको मातहातमा रहने गरी सन्चालगन गर्न सिचाई विभागको अनुमिन लिन विभाग सँग तत्काल समन्व गर्ने साथै राजापुरबाट पन्टुन ब्रिज ल्याउने कार्यको लागि आवश्यक समन्वय गर्न स्थानीय तहको प्रतिनिधित्व गर्ने गरी ज्वालामुखी गाउँपालिकाका अध्यक्ष यामनाथ दनैलाई जिम्मेवारी दिने निर्णय गरेको छ ।

यसैगरी धादिङ जिल्ला पृथ्वी राजमार्ग अन्तरगत फुर्केखोलामा दिर्घकालिन समाधानको लागि पक्की पुल निर्माण गर्न संघ सरकार र प्रदेश सरकार सँग आवश्यक समन्वय गर्ने निर्णय गरीएको छ । पन्टुन पुल राजापुर सिँचाई व्यवास्थापन कार्यालयबाट स्थानीय तहलाई हस्तान्तरण पश्चात सडक निर्माण र आवश्यक व्यवस्थापनको लागि आवश्यक सरकारी निकायसँग समन्वय गर्ने साथै जिल्ला स्थित तिनै तहका जनप्रतिनिधि राजनैतिक दल कर्मचारी,नागरिक समाज लगायत सरोकारावालालाई आवश्यक समन्वय र सहजीकरण सहित सहयोग गर्न आग्रह गर्ने निर्णय गरीएको छ ।

फुर्केखोलामा अस्थायी पन्टुन पुल निर्माण भएपछि मलेखु क्षेत्र हुँदै धादिङबेसी आवतजावत गर्ने सर्वसाधारण तथा यात्रुलाई सहज हुने अपेक्षा गरिएको छ। पुल निर्माणले आवागमनमा हुने अवरोध कम गर्नुका साथै स्थानीय क्षेत्रको यातायात व्यवस्थापनमा समेत सहयोग पुग्ने विश्वास गरिएको छ। फुर्केखोलामा पन्टुन पुल निर्माण तथा सञ्चालनमा आएमा धादिङबेसी आवतजावत गर्ने यात्रु, स्थानीय बासिन्दा तथा व्यवसायीलाई राहत पुग्ने अपेक्षा गरिएको छ। हाल पुल नहुँना नागरिकहरुले ठुलो सास्ती खेप्नु परेको छ।