पशुपति बहुउद्देश्यीय सहकारीको अध्यक्षमा जयराम भण्डारी चयन

धादिङ, १४ कात्तिक । धादिङको नीलकण्ठ नगरपालिका–१२, पशुपतिडाँडास्थित पशुपति बहुउद्देश्यीय सहकारी संस्थाको अध्यक्षमा जयराम भण्डारी सर्वसम्मत चयन हुनुभएको छ।

शनिबार सम्पन्न संस्थाको पाँचौँ साधारणसभा तथा दोस्रो अधिवेशनले भण्डारीको अध्यक्षतामा नौ सदस्यीय नयाँ सञ्चालक समिति सर्वसम्मत चयन गरेको हो।

नवनिर्वाचित समितिको उपाध्यक्षमा जीवन दुवाडी, सचिवमा कृष्णप्रसाद ढकाल, कोषाध्यक्षमा भगवती खनाल र सहसचिवमा नमराज भट्ट चयन हुनुभएको छ।

त्यसैगरी समितिका सदस्यमा बालकृष्ण लम्साल, शेरबहादुर भण्डारी, रविप्रसाद लम्साल र अकलबहादुर गुरुङ चयन हुनुभएको छ।

संस्थाको साधारणसभा तथा अधिवेशनसँगै आगामी कार्यकालका लागि नयाँ नेतृत्व चयन भएको हो। नवनिर्वाचित समितिले संस्थाको सञ्चालन, व्यवस्थापन तथा सदस्यहरूको हितसँग सम्बन्धित कार्यको नेतृत्व गर्नेछ।