चिल्ड्रेनपार्क माविमा प्री–प्राईमरी ग्राजुएसन सम्पन्न,११३ जना विद्यार्थी दिक्षित

धादिङ,२१ चैत
धादिङबेसी स्थित चिल्ड्रेनपार्क आवासीय माध्यमिक विद्यालयमा प्री–प्राइमरी ग्राजुएसन समारोह सम्पन्न भएको छ । विद्यालयका सभा हलमा सम्पन्न भएको कार्यक्रमबाट ११३ जना विद्यार्थी दिक्षित हुनुभएको हो ।विद्यालयका प्रिन्सिपल षष्टि कुमार श्रेष्ठको अध्यक्षतमा सम्पन्न भएको कार्यक्रममा विद्यालयका सल्लाहकार विष्णु कुमार श्रेष्ठको प्रमुख आतिथ्यता रहेको थियो ।

कार्यक्रममा विद्यालय निर्देशक नवराज शर्मा,नीलकण्ठ बहुमुखी क्याम्पसका क्याम्पस प्रमुख डा.मुरारी अधिकारी लगायत सन्चारकर्मीहरुको आतिथ्यता रहेको थियो।जिल्लाकै उत्कृष्ट शैक्षिक संस्थामध्ये एक चिल्ड्रेनपार्क अवासीय विद्यालयले विद्यार्थीहरुलाई उत्प्रेरणा प्रदान गर्ने उदेश्यले कार्यक्रमको आयोजना गरेको हो ।यूकेजी उत्तीर्ण गरेका ११३ जना विद्यार्थीहरूलाई सम्मानसहित प्रमाणपत्र प्रदान गरिएको थियो।

कार्यक्रमका क्रममा नर्सरीदेखि यूकेजीसम्मका विद्यार्थीहरुले नृत्य,वक्तृत्व कला लगायत विभिन्न सिर्जनात्मक तथा सांस्कृतिक प्रस्तुति प्रस्तुत गर्नुभएको थियो ।कार्यक्रमलाई सम्बोधन गर्नुहुदै अतिथीहरुले चिल्ड्रेनपार्व आवासीय माविले अभिभावकहरुको विश्वासलाई जित्दै सुरक्षित रुपमा गुस्तरीय शिक्षा प्रदान गर्दै आईरहेको भन्दै विद्यालयलाई धन्यवाद व्यक्त गर्नुभएको थियो । विद्यालयले बाल मनोविज्ञानमा आधारित शिक्षा सिकाई सन्चालन गर्दै आईरहेको र बालमैत्री सिकाई प्रद्धती अपनाउदै आईरहेको छ ।विद्यालयले किताबी ज्ञान सँगै व्यवहारीक शिक्षा प्रदान गर्दै आईरहेको प्रिन्सिपल श्रेष्ठले जानकारी दिनुभयो ।