६९औँ राष्ट्रिय सहकारी दिवसको अवसरमा धादिङबेसीमा विविध कार्यक्रम सम्पन्न

धादिङ,२० चैत
६९औँ राष्ट्रिय सहकारी दिवस धादिङबेसीमा बिबिध कार्यक्रम मनाईएको छ । नीलकण्ठ नगरपालिकाको आयोजना, जिल्ला सहकारी संघ लिमिटेड धादिङको सह–आयोजना तथा जिल्लास्थित विभिन्न सहकारी संघहरूको सहकार्यमा दिवस मनाईएको हो । “उद्यमशीलता र पारदर्शिता सहकारीको प्राथमिकता” भन्ने राष्ट्रिय नारासहित ६९औँ राष्ट्रिय सहकारी दिवस आज नीलकण्ठ नगरपालिकाको सिटी हलमा विविध कार्यक्रम मनाईएको हो ।

कार्यक्रममा सहकारी क्षेत्रमा वर्तमान समयमा देखिएका चुनौतीहरूको समाधानमा सहकारीको भूमिकाबारे कार्यपत्र प्रस्तुति गरिएको थियो। साथै, सहकारीसँग सम्बन्धित सन्देशमूलक चलचित्र “लक्ष्मीप्रसाद” प्रदर्शन गरी दिवसलाई अझ प्रभावकारी बनाइएको नीलकण्ठ नगरपालिकाका सामाजिक विकास शाखा प्रमुख उर्मीला थपलियाले जानकारी दिनुभयो।

उक्त कार्यक्रममा नीलकण्ठ नगरपालिका भित्र रहेका सबै सहकारी संस्थाहरूको उल्लेखनीय सहभागिता रहेको थियो। नीलकण्ठ नगरपालिकाका उप–प्रमुख दीपक विश्वकर्माको अध्यक्षतामा सम्पन्न कार्यक्रममा नगरपालिकाका विभिन्न शाखाका प्रमुखहरू, कार्यपालिका सदस्यहरू, सहकारी संघका पदाधिकारी तथा कर्मचारीहरू, साथै सहकारी संस्थाका प्रतिनिधिहरूको व्यापक उपस्थिति रहेको थियो।कार्यक्रमले सहकारी क्षेत्रको सुदृढीकरण, पारदर्शिता प्रवद्र्धन तथा उद्यमशीलताको विकासमा सहकारीको भूमिकालाई थप मजबुत बनाउने विश्वास व्यक्त गरिएको नगरपालिकाले जनाएको छ।