तामाङको अध्यक्षतामा खेलकुद महासंघ धादिङको ११७ सदस्यि कार्य समिति गठन

नेपाल राष्ट्रिय खेलकुद महासंघ धादिङको नया कार्य समिति गठन गरिएको छ । शनिबार धादिङबेशीमा सम्पन्न नेपाल खेलकुद महासंघ धादिङको प्रथम जिल्ला भेलाले वर्तमान अध्यक्ष सुनिल तामाङको अध्यक्षतामा १ सय १७ जना सदस्य रहने गरी नया कार्य समिति गठन गरेको हो । महासंघ धादिङको उपाध्यक्षमा रोशन श्रेत्री, सचिवमा तारा आले मगर, सह सचिवमा केदार भण्डारी र कोषाध्यक्षमा सुनिता श्रेष्ठ चयन हुनुभएको छ ।

भेलालाई सम्बोधन गर्नुहुदै नेकपा एमाले धादिङका अध्यक्ष एवम निवर्तमान सांसद भुमी प्रसाद त्रिपाठिले खेलकुदमा आफ्नो भबिश्य बनाउन खेलाडिले खेलकुदप्रति सर्मपित हुनुपर्ने बताउनुभएको छ । कार्यक्रमका प्रमुख अतिथि समेत रहनुभएका त्रिपाठिले धादिङमा पनि खेलाडि खेलकुदबाट आफ्नो जिवन गुजारा गरिरहेको भन्दै खेलाडिहरुलाई आत्मनिर्भर र आर्थिक रुपमा बलियो बनाउनुपर्ने बताउनुभयो । खेलाडिहरु स्वतन्त्र हुने र आफ्नो भविष्य खोजि रहेका भन्दै उहाँले आफ्नो भविष्य जहा सुरक्षीत हुन्छ, त्यहि जाने भएकोले खेलकुद महासंघले खेलाडिको भविष्यको ग्यारेन्टी लिनुपर्ने त्रिपाठिले बताउनुभयो । 

यस्तै कार्यक्रममा फरक प्रसंगमा बोल्दै त्रिपाठिले पार्टीमा एकले अर्कालाई समर्थन नगर्दा पार्टीएकता खल्बलीएको बताउनुभएको छ । पार्टि नेतृत्वमा आफु हुदाँ जयजयकार गर्नु पर्ने, आफ्ना स्थानमा अरु हुदा अर्कोले समर्थन गर्न नमिल्ने, सामन्त हो तपाईहरु भनी सोध्न पर्ने स्थिति आएको त्रिपाठिको भनाई थियो ।

पार्टीभित्रैबाट असर्मथन भएकै कारण आज यो गति भएको भन्दै त्रिपाठीले ३० औं बर्षसम्म पार्टीको नेतृत्व खाँदा पनि अरुले टुलुटुलु हेरेर बस्न पर्ने, गलत गरे झगडा गरिदिनु पर्ने, एउटै स्वरमा प्रचार गरिदिनु पर्ने अनि भगवान मान्नु पर्ने तर अर्काे नेतृत्व तहमा हुँदा समर्थन गर्नै नमिल्ने, काम नै गर्न नदिई खोईरो खनिरहनुपर्ने ? प्रश्न गर्नुभयो ।

यसैगरी कार्यक्रममा नेकपा एमाले धादिङका सचिव अर्जुन कुमार श्रेष्ठले खेलकुद स्वास्थ्यको लागि राम्रो रहेको र पार्टि, राष्ट्रलाई चिनाउन पनि खेलकुदको आवश्यकता रहेको बताउनुभयो । श्रेष्ठले खेल क्षेत्रलाई सम्मानित पेशा बनाउन खेलाडीहरु सचेत हुनुपर्ने बताउनुभएको थियो । कार्यक्रममा जिल्लाका १३ वटै स्थानिय तह र वडाका प्रतिनिधिहरुको सहभागिता रहेको थियो ।