धादिङबेशी आसपासमा सिमसिम पानी, किसान चिन्तित

धादिङबेशी । धादिङबेशी आसपासमा सिमसिम पानी पर्न थालेको छ । पानी पर्न थालेसंगै किसानहरु चिन्तित भएका छन् । नेपालीहरुको दोस्रो महान चाड तिहार सकिएपछिको आजको सार्वजनिक बिदामा धेरै किसानहरुले धान काट्ने र बिटा लगाउने मिति तय गरेका थिए । आज बिहान १० बजेको आसपासमा एक्कासी पानी पर्न थालेको थियो । हाल सम्म सिमसिम पानी परिरहेको छ ।

किसानहरु खेतमा मेला सहित पुगीसकेको अवस्थामा पानी पर्न थालेपछि किसानहरु थप चिन्तित भएका हुन् । मौसम पूर्वानुमान महाशाखाका वरिष्ठ मौसमविद् शान्ति कँडेलका अनुसार आज सोमबार विशेष गरी बागमती, कोशी र गण्डकी प्रदेशका पहाडी भू–भागका केही स्थान, बाँकी पहाडी भू–भागको थोरै स्थान तथा तराईका एक दुई स्थानमा हल्का वर्षाको सम्भावना रहेको जानकारी गराईएको छ ।

हल्का वर्षा हुने भएकाले किसानहरुलाई आज धान नकाट्न अनुरोध गरेको थियो । मङ्गलबारदेखि क्रमिकरुपमा मौसममा सुधार हँुदै जाने वरिष्ठ मौसमविद् शान्ति कँडेलका जानकारी दिनुभयो ।