नेपाल खेलकुद महासंघद्धारा खानिखोला प्रहरीलाई स्वास्थ्य सामाग्री हस्तान्तरण

नेपाल खेलकुद महासंघले ईलाका प्रहरी कार्यालय खानिखोला धादिङलाई स्वास्थ्य सामाग्री सहयोग गरेको छ । कोभिड नो भिड भन्दै राट्रिय अभियान सञ्चालन गरेको नेपाल खेलकुद महासंघले फन्टलाइनमा रहेका प्रहरीहरुलाई स्वास्थ्य सामाग्री सहयोग गरेको हो । 

​

नेपाल खेलकुद महासंघका वरिष्ठ उपाध्यक्ष परशुराम बस्नेतको संयोजकत्वमा उपमहासचिव रामकृष्ण खड्का, शान्त माया परियार र नेपाल खेलकुद महासंघ जिल्ला अध्यक्ष सुनिल तामाङले संयुक्त रुपमा खानिखोला प्रहरीलाई स्वास्थ्य सामाग्री हस्तान्तरण गरेको हो ।

​

स्वास्थ्य सामग्रीहरुमा मास्क, सेनिटाईजर, ग्लोभ्स, फेस सिल्ड लगायतको रहेको महासँघका जिल्ला अध्यक्ष सुनिल तामाङले जानकारी दिनुभयो । फ्रन्ट लाईनमा खटिरहेका सुरक्षाकर्मीहरुलाई मेडिकल सामग्रीको अभाब हुन नदिने लक्ष्यका साथ देशभर नेपाल खेलकुद महासंघको यो अभियान जारी छ । हाल सम्म ५६ जिल्लामा स्वास्थ्य सामाग्री वितरण गरिसकिएको महासंघले जनाएको छ।

​

​