गोदार थापा सेवा समाजको पन्ध्रौ बार्षिक साधारण सभा भाद्र ९ गते सिन्धुलीमा हुदै

धादिङ,३ भदौ
गोदार थापा सेवा समाजको पन्ध्रौ बार्षिक साधारण सिन्धुलीमा हुने भएको छ । यहि भाद्र ९ गते हुने भेला तथा साधारण सभामा सहभागी हुनको लागि गोदार थापा सेवा समाजको अध्यक्ष कुवेर सिंह गोदार थापाले आग्रह गर्नुभएको छ । देशभर छरिएर रहेका गोदार थापाहरुलाई एकत्रित बनाई बंशावली खोजि गर्ने उदेश्यले बार्षिक साधारण सभाको आयोजना गरीएको कार्यक्रम संयोजक यज्ञ गोदार थापाले जानकारी दिनुभयो ।

यहि भाद्र ९ गते शनिवारको दिन सिन्धुली स्थित लक्षमण चोकमा रहेको प्रयास होटल रातमाटामा भेलाको आयोजना गरीएको राजाराम गोदार थापाले जानकारी दिनुभयो । गोदार थापा वंशजहरुले सिन्धुलीगढी युद्दमा बीरता देखाउनु भएको स्थान र अग्रज पुर्खाहरु जन्मनु भएको जिल्ला सिन्धुली भएको कारणले सिन्धुलीमा भेलाको आयोजना गरीएका हो ।

नेपाल एकीकरणको मह्त्वपुर्ण युद्धकील्ला सीन्धुलीगढी अबलोकन तथा गोदार थापाका वीर पुर्खा चम्पशिहं गोदार थापालाई श्री ५ पृथ्वीनारायण शाहले लालमोहर लगाई सिन्धुली प्रबेशको सुरक्षाको जिम्वेवारी दिएको स्थान भएको कारणले पनि सिन्धुली जिल्ला गोदार थापाहरुको लागि ऐतिहासि जिल्ला रहेको छ । गोदार थापा सेवा समाज २०६३,केन्द्रीय कार्यलय उर्लाबारी मोरङ्गको आयोजनामा हुने भेलामा देशभरका गोदार थापाहरुलाई अनिवार्य उपस्थितीको लागि गोदार थापा सेवा समाज केन्द्रिय कार्यालयले आग्रह गरेको छ ।