विद्युत प्राधिकरण मातहतमा बुढीगण्डकी आयोजना निर्माण हुनेमा आशंका

धादिङ,१ साउन 
बूढीगण्डकी जलविद्युत आयोजनाका २ सरोकार समितिले विद्युत प्राधिकरण मातहतमा बुढीगण्डकी आयोजना निर्माण हुनेमा आशंका व्यक्त गरेका छन् । नेपाल विद्युत प्राधिकरणले साना आयोजना पनि समयमा बनाउन नसकेको भन्दै उनीहरुले बुढीगण्डकी आयोजना बनाउन छुट्टै अधिकार सम्पन्न र शक्तिशाली प्राधिकरण बनाउन माग गरेका हुन् ।

बूढीगण्डकी जलविद्युत आयोजना राष्ट्रिय सरोकार समितिका अध्यक्ष हरेराम ढकाल तथा बूढीगण्डकी जलासययुक्त आयोजना सरोकार समितीका अध्यक्ष दिनेशकुमार ढकालले आज निकालेको संयुक्त विज्ञप्तिमा यस्तो प्राधिकरणले विद्युत उत्पादन, पर्यटन विकास, व्यवस्थित शहरीकरण लगायतका काम गर्न सक्ने जनाइएको छ ।