गजुरी गाउँपालिका द्धारा बजार अनुगमनलाई निरन्तरता

धादिङ । धादिङको गजुरी गाउँपालिकाले गाउँपालिका भित्र रहेका बजारहरुको अनुगमन गरेको छ । पालिकाले व्यवसाय दर्ता/नवीकरण भए नभएको निगरानी राख्नको लागि बजार अनुगमन कार्यलाई निरन्तरता दिएको हो ।

बजार अनुगमनमा वडा नं १ का वडा अध्यक्ष तारानाथ भण्डारी, प्रमुख प्रशासकीय अधिकृत राजु अधिकारी लगायतको टोलिले सोमबार गजुरी बजार लगायतका क्षेत्रहरुमा अनुगमन गरेको हो ।

बजार अनुगमनको क्रममा व्यवसाय अनिवार्य रुपमा दर्ता गराउनहुन, नवीकरण लगायत कागजपत्र चुस्तदुरुस्त राख्न र म्याद गुज्रिएको सामाग्री नराखन, सबैले देख्ने स्थानमा मुल्य सुची राखी व्यवसाय संचालन गर्न आग्रह गरिएको गजुरी गाउँपालिकाका प्रमुख प्रशासकिय अधिकृत राजु अधिकारीले बताउनुभयो ।
गजुरी गाउँपालिकाले समयसमय पालिका भित्र रहेको मुख्य बजारहरुमा अनुगमन गर्दै आइरहेको छ ।