पाँच दिने महिला सशक्तिकरण तथा नेतृत्व विकास सम्बन्धि तालिम धादिङबेसीमा सम्पन्न

धादिङ,१९ जेठ ।
हिमाल महिला उत्थान समाजको आयोजनामा धादिङबेशीमामा सन्चालन भएको पाँच दिने तालिम आज सम्पन्न भएको छ।हिमाल महिला उत्थान समाज धादिङको आयोजना तथा नीलकण्ठ नगरपालिकाको आर्थिक सहयोगमा सोमबारदेखि सुरु भएको तालिम आज एक कार्यक्रमको आयोजना गरी सम्पन्न गरीएको हो।
तालिममा महिलासँग भएका संवैधानिक अधिकार, महिलाको क्षेत्रमा के कस्ता कानुन छ, महिला नेतृत्व भनेको के हो, कस्तो कार्यशौलि हुनुपर्ने जस्ता विषयमा सहभागी महिलाहरुलाई जानकारी गराइएको थियो ।

महिलाहरुकोे क्षमता बृद्धि गर्ने र आगामी दिनमा महिलाहरुलाई आयआर्जनमा अगाडि बढाउने उद्श्यले तालिमको आयोजना गरिएकोे हिमाल महिला उत्थान समाजको कार्यकारी निर्देशक तथा महिला अधिकारकर्मी कविता इटनीले बताउनु भयो। राजनीतिसँग मात्र नेतृत्व नजोडिने र समाजको धेरै क्षेत्रबाट महिलाहरुले नेतृत्व लिनु पर्ने बताउनु भएको थियो ।तालिममा नीलकण्ठ नगरपालिकाको १४वटै वडाका ७५ जना महिलाहरुको सहभागित रहेको थियो।

हिमाल महिला उत्थान समाज धादिङको अध्यक्ष शुसिला पाठकको अध्यक्षयतामा सम्पन्न भएको तालिममा नगरपालिकाका प्रमुख प्रशासकीय अधिकृत पुरुषोत्तम सुवेदीको प्रमुख अतिथ्य रहेको थियो।२०६८ सालमा स्थापना भएको हिमाल महिला उत्थान समाज धादिङले महिलाहरुको सिप विकास र क्षमता बुद्धि गर्ने क्षेत्रमा काम गर्दै आएको छ।संस्थाले महिलाहरुलाई कसरी उद्यमी बनाउने र उद्यमशिलतालाई कसरी बजारीकरणमा टेवा पुप्याउने जस्ता कुरालाई प्रथामिकता दिदै आएको छ।