त्रिपुरासुन्दरी गाउँपालिकामा पालिका स्तरीय सहकारी संस्थाहरुसँग अन्तरक्रिया कार्यक्रम सम्पन्न

धादिङ,१ जेठ
त्रिपुरासुन्दरी गाउँपालिकामा पालिका स्तरीय सहकारी संस्थाहरुसँग अन्तरक्रिया कार्यक्रम सम्पन्न भएको छ । सोमबार गाउँपालिकाको आयोजनामा सहकारीको आगामी आर्थिक वर्षको योजना तर्जुमा तथा अन्तरक्रिया कार्यक्रम सम्पन्न भएको हो ।

अन्तरक्रिया कार्यक्रममा सहकारीहरुको चालु आर्थिक वर्षमा भएका सम्पादन कार्य प्रस्तुत र आगामी आर्थिक वर्षमा सहकारीहरुले सुधार गर्नुपर्ने कार्य लगायतका विषयमा छलफल भएको गाउँपालिकाका सुचना अधिकारी शुरेस रिजालले बताउनुभयो ।

अन्तरक्रिया कार्यक्रममा गाउँपालिका भित्र रहेको २२ वटा सहकारी संस्थाबाट ४० जनाको सहभागिता रहेको थियो ।गाउँपालिकाका अध्यक्ष राजु उप्रेतीको अध्यक्षतामा सम्पन्न भएको कार्यक्रममा उपाध्यक्ष देवराज धरेल, प्रमुख प्रशासकीय अधिकृत भिम प्रसाद पराजुली, विभिन्न सहकारी संस्थाका व्यवस्थापक र अध्यक्ष लगायतको उपस्थिति रहेको थियो ।