काँग्रेसले आगामी निर्वाचनमा कसैसँग तालमेल गर्दैनः गगन थापा

धादिङ,२४ बैशाख
नेपाली काँग्रेसका युवा नेता तथा महामन्त्री गगन थापाले आगामी निर्वाचन कसैसँग तालमेल नगर्ने उद्घोष गर्नुभएको छ ।शनिबार नेपाली काँग्रेस धादिङको प्रतिनिधि सभा क्षेत्र नं २ को प्रथम क्षेत्रिय सम्मेलनलाई सम्बोधन गर्न धादिङबेशी आउनुभएका महामन्त्री थापाले सो कुरा बताउनुभएको हो । उहाँले देशैभरी काँग्रेसका जनप्रतिनिधि हुदाँ पनि कार्यकर्तामा निराशा छाउनु बिचित्रको कुरा भएको भन्दै भर्खरै चुनाव भएकोले अहिले निराशा किन भनेर कार्यकर्तालाई प्रश्न गर्नुभयो ।

काँग्रेस देशकै ठुलो पार्टी र राष्ट्रिय पार्टी भएकाले समस्या आउनु भएको र सबैले आफ्नो कमजोरी पत्ता लगाएर सच्चिन आग्रह गर्नुभयो।कार्यक्रममा सहभागीहरुले महामन्त्री थापालाई प्रश्नको घेराबन्दीमा पारेका थिए ।प्रश्न पछि जवाफ दिदै थापाले भन्नुभयो,सबै प्रश्नको उत्तर माथि बस्नेसँग हुदैन,व्यवस्थित तरिकाले खोज्नुपर्छ । थापाले अब आगामी हुने निर्वाचनका कुर्नै पार्टी सँग चुनावी तालमेल नगर्ने भन्दै सबै पार्टी एक भएर आएपनि कांग्रेस अब एक्लै चुनाव लड्ने दावी गर्नुभयो ।

तालमेलको नाममा रुखमा भोट हाल्ने मतदातालाई अर्को पार्टीको चुनाव चिन्हमा भोट हाल्न लगाएको भन्दै उहाँले यो कांग्रेसको ठुलो भुल भएको र अब यो भुल नगर्ने पनि बताउनुभएको छ । थापाले जेठ मसान्तसम्म धादिङको १०४ वटै वडामा जसरी पनि वडा सम्मेलन गर्नुपर्ने र खुल्ला ठाउँमा केही न केही सार्वजनिक कार्यक्रम गर्नैपर्ने बताउनुभयो ।साथै बन्दशत्रमा पार्टीको आयव्याय, सांगठनिक गतिबिधी र आगामी १ बर्षको योजना निर्माण गरेर मात्रै सम्मेलन सकाउन पनि आग्रह गर्नुभयो ।