चक्रदेवी टोलको विकासको लागि सक्दो सहयोग गर्छुः प्रदेश सांसद गोविन्द लम्साल

धादिङ,१७ बैशाख

चक्रदेवी टोलको विकासको लागि आफुले सक्दो सहयोग गर्ने प्रदेश सांसद गोविन्द लम्सालले बताउनुभएको छ । नागरिकहरुको आवश्यकताको आधारमा आफुले सहयोग गर्ने भन्दै उहाँले यहाँका समस्याहरु पहिचाहन गर्नको लागि समेत आग्रह गर्नुभएको छ । चक्रदेवी युवा क्लबको भवन तथा खेल मैदान उद्घाटन समारोहलाई सम्बोधन गर्नुहुदै लम्सालले नागरिकहरुको गुनासो नआउने गरे काम गर्ने प्रवितबद्धता व्यक्त गर्नुभयो । क्लबको लागि पनि आगामी दिनमा आवश्यकताको आधारमा सहयोग गर्ने भन्दै समस्याहरुको बारेमा आफुलाई जानकारी गराउन समेत आग्रह गर्नुभयो ।

यसैगरी गाउँपालिकाका अध्यक्ष तथा कार्यक्रममा विशेष अतिथी यमनाथ दनैले छोटो समयमा क्लबले गरेका कामलाई धन्यवाद दिदै आगामी दिनमा पनि निरन्तरता दिनको लागि आग्रह गर्नुभयो । पाँच बर्ष भित्रमा चक्रदेवी टोलमा एक घर एक धारोको व्यवस्थापन गर्ने भन्दै उहाँले सडक,कृषि,शिक्षा तथा पर्यटनको क्षेत्रमा पनि सहयोग गर्ने बताउनुभयो । क्लबको विकासको लागि गाउँपालिका तयार रहेको भन्दै क्लब र स्थानीय तहबिच सहकार्य गरेर अघि बढ्नुपर्ने बताउनुभयो ।

ज्वालामुखी गाउँपालिका वडा नम्बर ३ स्थित चक्रदेवी टोलमा निर्माण गरीएको क्लबको भवन तथा खेल मैदानको शनिवार एक कार्यक्रमका बिच उद्घाटन गरीएको हो ।चक्रदेवी युबा क्लबको आयोजनामा निर्माण सम्पन्न भएको क्लबको भवन र खेल मैदानको बागमती प्रदेशका प्रदेश सांसद गोविन्द लम्सालले उद्घाटन गर्नुभएको हो । चक्रदेवी युवा क्लबका अध्यक्ष कुल बहादुर झ्यारीको अध्यक्षता र बागमती प्रदेशका सांसद गोविन्द लम्साको प्रमुख आतिथ्यतामा सम्पन्न भएको कार्यक्रममा ज्वालामुखी गाउँपालिकाका अध्यक्ष यमनाथ दनैको विशेष आतिथ्यता रहेको थियो ।

कार्यक्रममा नेपाली काँग्रेसका महाधिवेशन प्रतिनिधि नरेन्द्र भट्ट, नेपाली काँग्रेसका ज्वालामुखी गाउँपालिकाको सभापति रेशम काप्री,वडा नम्बर ३ का वडा अध्यक्ष उमेश श्रेष्ठ,नेपाली काँग्रेसका वडा नम्बर ३ वडा सभापति पुष्कर तामाङ,वडा सदस्यहरु,विभिन्न राजनीतिक दलका प्रतिनिधि,छिमेकी क्लबका अध्यक्ष,समाजसेवी,बुद्धिजिबी लगायत सरोकारवाला निकायका प्रमुख एवंम प्रतिनिधिहरुको आतिथ्यता रहेको थियो।

कार्यक्रममाको अवसर पारेर भवन र खेल मैदान निर्माणको लागि जग्गा दान गर्नुहुने जग्गादाता पदम कुमारी मगर र खेल मैदान निर्माण र कार्यक्रम सन्चालन गर्नको लागि सबैभन्दा बढी आर्थिक सहयोग गर्नुहुने हेमलाल मगरलाई सम्मान गरीएको छ । कार्यक्रमका प्रमुख अतिथी प्रदेश सांसद गोविन्द लम्साल र विशेष अतिथी गाउँपालिकाका अध्यक्ष यमनाथ दनैले दोसल्ला र सम्मानपत्रबाट सम्मान गर्नुभएको हो ।

क्लबले कार्यक्रमकै अवसर पारेर १०२ बर्षिय ईन्द्र कुमारी आलेलाई दोसल्ला ओढाएर र हर्लिक्स दिएर सम्मान गरेको छ । कार्यक्रममा ४ हजार भन्दा बढी आर्थिक सहयोग गर्नुहुनेहरुलाई सम्मान गरीएको थियो।उद्घाटन समारोहमा क्बलले कार्यक्रमका प्रमुख अतिथी र विशेष अतिथीलाई क्लबको मानार्थ सदस्यको रुपमा सम्मान गरेको छ । गत भदौमा स्थापना भएको उक्त क्लबले छोटो अवधिमा परिणाममुखी काम गर्न सफल भएको छ ।