अगुवा महिलाको लागि आयोजना गरीएको ३ दिने भाषण तथा उद्घोषण तालिम गजुरीमा सुरु

धादिङ,१५ बैशाख
गजुरी गाउँपालिकामा ३ दिने अगुवा महिला भाषण तथा उद्घोषण तालिम शुक्रबारबाट सुरु भएको छ । गाउँपालिकाको महिला बालबालिका तथा ज्येष्ठ नागरिक शाखाको आयोजनामा शुक्रबारदेखी अगुवा महिला भाषण तथा उद्घोषण तालिम सुरु भएको हो ।
अगुवा महिलाहरुलाई बोल्ने कलाको विकास गर्न र आफ्नो कुराहरु औपचारिक कार्यक्रममा राख्न सजिलो बनाउनको लागि तालिमको आयोजना गरीएको हो ।

अगुवा महिलाहरुले तालिमको माग गरी पालिकामा निवेदन दिएपछि पालिकाले आफैले तालिमको आयोजना गरेको उपाध्यक्ष सर्मिला बिसुरालले जानकारी दिनुभयो । बोल्न पर्ने स्थानमा महिलाहरु बोल्न डराउने गरेको कारण उनीहरुको डरलाई हटाई र बोल्न कला सिकाउने उदेश्यले गाउँपालिकाले तालिमको आयोजना गरेको हो ।

तालिमको शुक्रबार एक कार्यत्रमका बिच गाउँपालिकाका अध्यक्ष गणेश लाल श्रेष्ठले उद्घाटन गर्नुभएको हो । तालिममा गाउँपालिका भित्रका ८ वटै वडा ४/४ जना गरी जम्मा ३२ जनाको सहभागिता रहेको गाउँपालिका उपाध्यक्ष विसुरालले बताउनुभयो ।तालिम उद्घाटन कार्यक्रममा गाउँपालिकाका अध्यक्ष गणेशलाल श्रेष्ठ, उपाध्यक्ष सर्मिला विसुराल, विभिन्न वडाका वडा अध्यक्षहरु, कार्यपालिका सदस्यहरु, वडा सदस्यहरु लयायतको उपस्थिति रहेको थियो ।