अशोक ईन्टरप्राईजेज धादिङद्वारा कुखुरा पालक व्यवसायीलाई क्षमता अभिबृद्धि तालिम

धादिङ,१० बैशाख
अशोक ईन्टरप्राईजेज धादिङको आयोजना र भ्याली ग्रुपकोको प्राविधिक सहयोगमा कुखुरा पालक कृषकहरुको लागि आयोजित एक दिने क्षमता अभिबृद्धी तालिम सम्पन्न भएको छ । कुखुरा पालन पेशालाई नाफामुखीे र कुशल व्यवसायी बनाउने उदेश्यले तालिमको आयोजना गरीएको अशोक ईन्टरप्राईजेजका प्रोपाईटर अशोक बस्नेतले जानकारी दिनुभयो ।

परम्परागत शैली तथा देखासेखीको आधारमा कुखुरा व्यवसाय गर्दा व्यवसायीहरुलाई घाटा हुने गरेको भन्दै बस्नेतले कृषकहरुलाई सिप युक्त बनाउने उदेश्यले तालिमको आयोजना गरीएको बताउनुभयो ।अशोक ईन्टरप्राईजेजले प्रत्येक बर्ष दुई पटक आफ्ना कुखुरा व्यवसायीहरुलाई तालिम सन्चालन गर्दै आईरहेको छ। अशोक ईन्टरप्राईजेजले गर्मि महिना सुरुहुनुभन्दा अघि र जाडो महिना सुरुहुनुभन्दा पहिला कृषकहरुलाई तालिम सन्चालन हुदै आएको छ ।

तालिममा डा. सक्षम पाण्डेले कुखुरामा लाग्ने रोग,हेरचाह गर्ने तरीका,औषधी प्रयोग गर्ने तरिका,खोर व्यवस्थापन लगायत सुरक्षित ब्रोईलर कुखुरा पालन सम्बन्धी सहभागीहरुलाई जानकारी गराउनु भएको थियो । शनिवार सम्पन्न भएको तालिममा ४९ जना कुखुरा पालक व्यवसायीहरुको सहभागिता रहेको थियो ।