नवनियुक्त परराष्ट्रमन्त्री साउद र भौतिक पूर्वाधार राज्यमन्त्री चपाईँको सपथ ग्रहण

नवनियुक्त परराष्ट्रमन्त्री एनपी साउद र नन्दा चपाईंले भौतिक पूर्वाधार राज्यमन्त्रीको सपथ ग्रहण गर्नुभएको छ । राष्ट्रपति भवन शितल निवासमा आयोजित कार्यक्रममा राष्ट्रपति रामचन्द्र पौडेलले परराष्ट्रमन्त्री साउदलाई पद तथा गोपनीयताको शपथ ग्रहण गराउनुभएको हो ।

आजै पद बहाली गर्दै मन्त्री साउदले छिमेकीसहित सबै देशसँग घनिष्ट सम्बन्ध बनाउने बताउनु भयो । प्रधानमन्त्री पुष्पकमल दाहाल प्रचण्डको भारत भ्रमणबारे भने सचिवबाट ब्रिफिङ लिएपछि मात्र जानकारी हुने उहाँले बताउनुभयो । प्रधानमन्त्री पुष्पकमल दाहाल प्रचण्डले आठौँपटक मन्त्रिपरिषद् विस्तार गरे पनि अझै ५ मन्त्रालय मन्त्री विहिन छन् ।