खेलकुद विकास समितिका अध्यक्ष तामाङद्धारा बेनीघाट तेक्वान्दो डोजाङलाई किक प्याड प्रदान

जिल्ला खेलकुद विकास समिति धादिङका अध्यक्ष प्रताप सिंह तामाङले बोनीघाट तेक्वान्दो डोजाङलाई किक प्याड सहयोग गर्नुभएको छ । बुधबार बेनिघाट रोराङ गाउँपालिका ५ स्थित बेनिघाट तेक्वान्दो डोजाङ निरीक्षण तथा प्रशिक्षक खेलाडी भेटघाट गर्दै डोजाङलाई खेलकुद सामाग्री सहयोग गर्नुभएको हो । 

डोजाङका लागि अवश्यक सामाग्री भित्र पर्ने किक प्याड सहयोगको लागि धन्यवाद दिँदै प्रशिक्षक सुमन श्रेष्ठले सुस्ताएको धादिङको खेलकुद विकासलाई गति दिन प्रशिक्षक श्रेष्ठले आग्रह गर्नुभएको थियो । २०७३ सालमा स्थापना भएको बेनिघाट तेक्वान्दो डोजाङमा अहिले ९० जनाले नियमित सिक्दै आएका छन् ।