निजी सञ्चारमाथि सरकारी विभेदकारी नीति : सभापती अधिकारी

धादिङबेशी,१३ बैशाख । नेपाल पत्रकार महासंघ धादिङ शाखाका सभापती सिताराम अधिकारीले सरकारले निजी सञ्चार माध्यमलाई सरकारी विज्ञापन नदिने नीति अवलम्बन गरेकोप्रति कडा असन्तुष्टि ब्यक्त गर्नु भएको छ । धादिङबाट सञ्चालित होराईजन खबर डटकमले आगामी वर्ष २०८३ का लागि भित्तेपात्रो सार्वजनिक गरेको समारोहमा बोल्दै सभापती अधिकारीले सो कुरा बताउनु भएको हो ।

उहाँले उक्त नीतिलाई “विभेदकारी” भन्दै यसले निजी सञ्चार माध्यमहरूलाई थप संकटमा धकेलेको र समग्र सञ्चार क्षेत्रमै नकारात्मक असर परेको उल्लेख गर्नुभयो। “सरकारी विज्ञापनबाट वञ्चित हुँदा स्थानीय र निजी मिडियाको अस्तित्व नै जोखिममा परेको छ,” सभापती अधिकारीको भनाइ थियो।

आइतबार होराईजन खबरले नेपाल पत्रकार महासंघ धादिङ शाखाको सभाहलमा आयोजित विशेष समारोहबीच भित्तेपात्रो विमोचन गरिएको थियो ।

उक्त अवसरमा अनलाइन मिडिया सोसाइटीका अध्यक्ष केशव अधिकारी,नेपाल रेडक्रस सोसाइटी धादिङका उप–मन्त्री मिम्बा तामाङ लगायत जिल्लामा क्रियाशील पत्रकारहरूको उपस्थिति रहेको थियो ।  सहभागी वक्ताहरूले स्थानीय सञ्चार माध्यमको विकास, प्रभावकारी सूचना प्रवाह र समाजमा  पार्ने सकारात्मक प्रभावको प्रशंसा गर्नुभएको थियो ।