धादिङमा विश्व भेटेरिनरी दिवसको अवसरमा पशुचिकित्सक तथा प्राविधिक सम्मानित

धादिङबेशी,१३ बैशाख । विश्व भेटेरिनरी दिवसको अवसरमा धादिङमा आयोजित कार्यक्रममा १५ जना पशुचिकित्सक तथा पशु प्राविधिकलाई सम्मान गरिएको छ। धादिङमा “पशुचिकित्सकहरूः खाद्य सुरक्षा र स्वास्थ्यका संरक्षक” भन्ने मूल नाराका साथ शनिबार विभिन्न कार्यक्रम गरी दिवस मनाइएको हो।

पशुपन्छी तथा मत्स्य विकास क्षेत्रमा उल्लेखनीय योगदान पु¥याउने सरकारी तथा निजी क्षेत्रका पशुचिकित्सक तथा प्राविधिकलाई उक्त अवसरमा सम्मान गरिएको  छ। कार्यक्रममा जिल्लास्थित सरोकारवालाहरूको उपस्थिति रहेको थियो।

कार्यक्रमका वक्ताहरूले पशुचिकित्सक तथा प्राविधिकहरूको भूमिका केवल पशुपन्छीको उपचारमा सीमित नरही खाद्य सुरक्षा सुनिश्चितता, जनस्वास्थ्य संरक्षण तथा ग्रामीण अर्थतन्त्र सुदृढीकरणमा महत्वपूर्ण रहेको उल्लेख गरेका थिए। उनीहरूले पशुपालन क्षेत्रलाई ग्रामीण अर्थतन्त्रको मेरुदण्डका रूपमा व्याख्या गर्दै त्यसको स्तरोन्नतिमा भेटेरिनरी सेवाको योगदान अपरिहार्य रहेको बताए।

सहभागीहरूले पशुचिकित्सकहरूलाई ‘अदृश्य नायक’का रूपमा उल्लेख गर्दै उनीहरूको योगदानप्रति सम्मान व्यक्त गरेका थिए। साथै, विश्व भेटेरिनरी दिवसको अवसरमा सम्पूर्ण भेटेरिनरी पेशाकर्मीहरूलाई शुभकामना पनि व्यक्त गरिएको थियो।

दिवसका अवसरमा आयोजित कार्यक्रमहरूले पशु स्वास्थ्य, खाद्य सुरक्षा र जनस्वास्थ्यबीचको अन्तरसम्बन्धबारे सचेतना अभिवृद्धि गर्ने लक्ष्य राखिएको थियो । सो अवसरमा पशु सेवा कार्यालय धादिङले स्थानिय तह संग समन्वयात्मक अन्तरक्रिया कार्यक्रम समेत सम्पन्न गरेको छ ।