तमैरातमाटे मा.विको ६५औँ वार्षिकोत्सव तथा विदाइ कार्यक्रम

धादिङ,पुस २६ गते ।
नीलकण्ठ नगरपालिका–१४ धुवाकोट रातमाटेमा रहेको तमैरातमाटे माध्यमिक विद्यालयको ६५औँ वार्षिकोत्सव तथा निवर्तमान प्रधानाध्यापक तोक जङ शाहको विदाइ कार्यक्रम सम्पन्न भएको छ ।

विद्यालयको वार्षिक उत्सव तथा विदाइ कार्यक्रममा नेपाल नगरपालिका संघका अध्यक्ष एवं नीलकण्ठ नगरपालिका, धादिङका नगर प्रमुख भिम प्रसाद ढुङ्गानाको प्रमुख आतिथ्यता रहेको थियो ।

कार्यक्रमलाई सम्बोधन गनुहुँर्दै नगर प्रमुख ढुङ्गानाले शिक्षा क्षेत्रको विकास बिना समग्र समाजको विकास सम्भव नहुने उल्लेख गर्दै गुणस्तरीय, व्यवहारिक तथा जीवनोपयोगी शिक्षामा स्थानीय तह पूर्ण रूपमा प्रतिबद्ध रहेको बताउनुभयो।

कार्यक्रममा नेपाली कांग्रेस धादिङ क्षेत्र नम्बर २ का क्षेत्रीय सभापति राकेश धमला, नीलकण्ठ बालमन्दिर माध्यमिक विद्यालयका विद्यालय व्यवस्थापन समिति अध्यक्ष दीपक कोइराला, महाधिवेशन प्रतिनिधि तथा विद्यार्थी नेता ईश्वर अधिकारी, नीलकण्ठ नगरपालिका प्रवक्ता प्रकाश कुमार श्रेष्ठ, नीलकण्ठ नगरपालिका वडा नम्बर १४ का वडा अध्यक्ष नमराज दुवाडीलगायतले शुभकामना मन्तव्य व्यक्त गर्नुभएको थियो।

कार्यक्रममा विद्यालयको शैक्षिक इतिहास, योगदान र उपलब्धिबारे चर्चा गर्दै निवर्तमान प्रधानाध्यापक तोक जङ शाहको कार्यकालको उच्च प्रशंसा गरिएको थियो। साथै उहाँको भावी जीवन तथा आगामी यात्राका लागि सफलताको कामना गरिएको छ।