सिद्धलेकमा भएको वडा स्तरिय तीज गीत प्रतियोगितामा फुलबारी आमा समुह प्रथम

धादिङ,५ भाद्र
सिद्धलेक गाउँपालिकामा भएको जनचेतनामुलक अन्तर वडा प्रतिस्पर्धात्मक तीज गीत प्रतियोगितामा फुलबारी आमा समुह प्रथम भएको छ । गाउँपालिकाको आयोजनामा नेपाली महिलाहरुको महान चाड हरितालिका तिजको अवसरमा भएको प्रतियोगितामा वडा नं ४ को फुलबारी आमा समुह प्रथम भएको हो।

प्रतियोगितामा वडा नं २ को शान्ति स्वास्थ्य आमा समुह द्धितिय, वडा नं १ को सिर्जनशील महिला कृषि सहकारी तृतिय भएको छ भने वडा नं ७ को अमरज्योति महिला सहकारी चौथो भएको छ।प्रथम, द्धितिय, तृतिय र चौंथो हुने समुहहरुलाई क्रमशः १० हजार , ७ हजार ५ सय, ५हजार र ३ हजार नगद सहित प्रमाण पत्र प्रदान गरिएको थियो ।सिद्धलेक गाउँपालिकाका उपाध्यक्ष सविता अर्यालको अध्यक्षतामा भएको कार्यक्रममा बागमती प्रदेश सभाका मायादेवी शर्माको प्रमुख आतिथ्यता रहेको थियो ।