धादिङ,१४ जेठ ।
नीलकण्ठ नगरपालिका पुर्णखोप युक्त वडा तथा पालिका घोषणा भएको छ। शनिबार नीलकण्ठ नगरपालिका स्वास्थ्य शाखाले आयोजना गरेको एक कार्यक्रमकाबिच नगर प्रमुख भीम प्रसाद ढुंगानाले नगरपालिकाको १४ वटै वडालाइ पुर्ण खोप युक्त वडा तथा पालिका घोषणा गर्नुभएको हो ।
नीलकण्ठ नगरपालिका भित्र रहेका १६ महिनादेखी २३ महिना सम्मका ११ सय २१ जना बालबालिकाले पुर्णखोप लगाएको नगरपालिकाका स्वास्थ्य संयोजक विष्णु रिजालले बताउनुभयो ।
प्रत्यक नागरिकको घरघरमा गएर खोप कार्ड हेरेर तथ्याङ्कको आधारमा पुर्णखोप युक्त वडा तथा पालिका घोषणा गरेको रिजालले बताउनुभयो ।
कार्यक्रममा नगर प्रमुख ढुंगानाले कर्मचारीको विश्वासमा पुर्णखोप युक्त वडा तथा पालिका घोषणा गरेको बताउदै कुनै पनि बालबालिका खोप लगाउनबाट नछुटुन् । सबैलाई पुर्ण खोप प्रदान गर्नको लागि आग्रह गर्नुभएको छ ।
नगरपालिकामा भौतिक पुर्वधार विकास मात्र नभएर मानविय विकास पनि भएकोले हरेक ठाउँमा नगरपालिका उत्कृष्ट हुदै आएको ढुङगानाले बताउनु भयो । त्यसैगरी कार्याक्रममा जिल्ला स्वास्थ्य कार्यालय धादिङका प्रमुख डा. नरेन्द्र कुमार झाले पहिला ओझेलमा परेको स्वास्थ्य क्षेत्र अहिले महत्वपुर्ण भएको बताउनुभयो ।
नीलकण्ठ नगरपालिकाका मेयर भिम प्रसाद ढुङगानाको अध्यक्षतामा सम्पन्न भएको कार्याक्रममा उपमेयर दिपक विश्वकर्मा , प्रमुख प्रसाशकीय अधिकृत पुरुषोत्तम सुबेदी, स्वास्थ्य संयोजक विष्णु रिजाल, स्वास्थ्य कार्यालय धादिङका प्रमुख डा. नरेन्द्र कुमार झा, धादिङ अस्पतालका निमित्त मेडिकल सुपरिटेन्डेण्ट डा.रुद्रमणि भण्डारी, जिल्ला समन्वय समितिका उपाध्यक्ष कुलमान विश्कर्मा, सहायक प्रमुख जिल्ला अधिकारी हरिप्रसाद अधिकारी, लगायत नीलकण्ठ नगरपालिका वडा अध्यक्षहरु, कार्यपालिका सदस्हरुको उपस्थिति रहेको थियो ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
010521430, 9851120850
प्रेस काउन्सिल दर्ता न: ......
सूचना विभाग दर्ता नम्बर: .....
अध्यक्ष : | बद्रि अधिकारी |
प्रधानसम्पादक : | ..... | कार्यक्रारी सम्पादक : |
ब्यबस्थापक : | .... |
कानूनी सल्लाहकार : | ..... |
बजार ब्यबस्थापक : | ..... |