त्रिपुरासुन्दरी गाउँपालिकामा विद्यालयको वेवसाइट तथा मोबाइल एप्लिकेशनको उद्घाटन

धादिङ,१० जेठ
त्रिपुरासुन्दरी गाउँपालिकामा विद्यालयको वेवसाइट तथा मोबाइल एप्लिकेशनको उद्घाटन गरिएको छ । सोमबार एक कार्यक्रमका बिच गाउँपालिकाका अध्यक्ष राजु उप्रेतीले गाउँपालिका अन्तगर्तका मा.वि तहका ११ वटा विद्यालयहरु तथा २ वटा सामुदायिक क्याम्पसका लागि निर्माण गरिएको विद्यालयको वेवसाइट तथा मोबाइल ऐप्सको उद्घाटन गर्नुभएकोे हो ।

उद्घाटन कार्यक्रममा बोल्नुहुँदै गाउँपालिकाका अध्यक्ष राजु उप्रेतीले सामुदायिक विद्यालयको शैक्षिक गुणस्तरमा कुनै कमि आउन नदिने बताउनुभएको छ
।विद्यालयबाट सम्पादित कार्य प्राप्त गन, विद्यार्थीहरुको नतिजा, पाठेयक्रम लगायतका विषयमा जानकारी लिन सहज होस भन्ने हेतुले सुरु गरिएको उपे्रतीले बताउनुभयो । साथै शिक्षा क्षेत्रमा गाउँपालिकाको विषेश लगानि हुने बताउनु भयो ।

वेवसाइट तथा मोबाइल एप्लिकेशनको उद्घाटन पश्चात विद्यालयका प्रधानाध्यापक, शिक्षकहरुलाई वेवसाइटमा भएका विषेशताहरु र अपलोड गर्ने तरिकाहरुको विषयमा अभिमुखिकरण कार्यक्रम गरिएको रिजालले बताउनुभयो ।कार्यक्रममा गाउँपालिकाका अध्यक्ष राजु उप्रेती, समन्वय इकाई धादिङका ईश्वर श्रेष्ठ, शिक्षा शाखा प्रमुख नवराज पाठक, विभिन्न माध्यामिक विद्यालयहरुका प्रधानाध्यापक लगायतको उपस्थिति रहेको थियो ।