मावि तहका शिक्षकको लागि आयोजित ३ दिने क्षमता अभिबृद्धी तालिम नेत्रावती डबजोङमा सम्पन्न

धादिङ,२५ बैशाख

नेत्रावती डबजोङ गाउँपालिकामा ३ दिने माध्यमिक तह शिक्षक तालिम सम्पन्न भएको छ ।गाउँपालिकाको आयोजना तथा जुपिटर नेपालको प्राविधिक सहयोगमा शुक्रबार देखि सुरु भएको तालिम सोमबार सम्पन्न भएको हो ।शिक्षकहरुको मनोवल बृद्धि गर्न, पेशागत विकासमा सुधार गर्न, क्षमतामा ह्रास हुनबाट बचाउन, शिक्षा र सिकाई उपब्धिमा सुधार ल्याउने उद्धेश्यले तालिम संचालन गरिएको गाउँपालिकाका अध्यक्ष मेघनाथ रिजालले बताउनुभयो ।

तालिममा विषयगत समस्या, शिक्षण पद्धति नयाँ पाठ्यक्रमले तोकेका सैद्धान्तिक तथा व्यावहारिक पक्षहरू, शिक्षण पद्धति र प्रविधिको प्रयोग लगायतका विषयमा छलफल भएको शिक्षा शाखाका प्राविधिक सहायक डोलमाया तामाङले बताउनुभयो ।

गाउँपालिका भित्रका ८ वटा माध्यामिक विद्यालयका गणित र अङ्ग्रेजी विषयका २४ जना शिक्षकहरुको तालिममा सहभागिता रहेको थियो ।
तालिममा बुढानीलकण्ठ विद्यालयका गणित विभागका हरिशरण पण्डित र ब्रिटिस काउनशील स्कुल एमबेसडरका चुडामणि सुवेदीले सहजिकरण गर्नुभएको थियो ।तालिममा समापन कार्यक्रममा गाउँपालिकाका अध्यक्ष मेघनाथ रिजाल, शिक्षक समितिका सदस्यहरु, विभन्न वडाका वडा अध्यक्षहरु लगायत शिक्षकहरुको उपस्थिति रहेको थियो ।