कँराते प्रशिक्षकमाथि हातपात गर्नेलाई कारबाही गर्न जिल्ला खेलकुद विकास समितिको माग

धादिङका कँराते प्रशिक्षक भिम गुरुङ माथि हातपात भएको घट्ना प्रति जिल्ला खेलकुद विकास समिति धादिङले गम्भिर ध्यानाकर्षण भएको जनाएको छ। शुक्रबार धादिङबेशी स्थित कभर्डहलमा कँराते प्रशिक्षणमै रहेको समयमा धादिङका प्रहरी प्रमुख रविन्द्र रेग्मीले प्रशिक्षक गुरुङलाई हातपात गरेको भन्दै खेलकुद विकास समिति धादिङले दोषिलाई कारबाहीको माग गर्दै विज्ञप्ति निकालेको हो । 

शुक्रबार बिहान ७ बजे प्रशिक्षणको समय प्रहरी प्रमुख सहितको टोलीले समय तालिका अघिनै कोट खालि गर्न भन्दै दवाव दिएको र पछि त्यसै विषयमा विवाद हुँदा मुक्का प्रहार भएको प्रशिक्षक भिम गुरुङले आरोप लगाएका छन् । उता प्रहरी प्रमुख रविन्द्र रेग्मीले भने भिम गुरुङले भनेको जस्तो आफुले मुक्का प्रहार नगरेको बताउनु भएको छ । 

प्रहरी प्रमुख रेग्मीले भन्नुभयो, ‘खेल्ने क्रममा सामान्य विवाद भएको हो,दुई वटा कोट मध्ये आफुहरुले एउटा कोटमा आफुहरुले खेलेको अर्को कोटमा उहाँहरु हुनुहुन्थ्यो उहाँले भिडियो खिच्नुभएछ, हाम्रो कर्मचारीले हटाउन लगाउनु भयो तर उहाँले मान्नु भएनछ मैले उहाँको पाखुरामा समातेको हो ।’ 

घटनाको भत्सर्ना गर्दै जिल्ला खेलकुद विकास समिति धादिङका अध्यक्ष प्रतापसिंह तामाङले जिल्लाको स्थापित कराँते गुरु माथिनै यस खालको दादागिरी पुर्वक भएको घटनाको दोषिलाई कारवाही गर्न माग गरेका छन् । खेलकुद विकास समितिका अध्यक्ष तामाङद्धारा हस्ताक्षरित विज्ञप्तिमा भनिएको छ, ७ बजे सम्म हाम्रो कँराते खेलको समय र त्यसपछि व्याडमिन्टनको समय हो भन्दा त बढि बोल्छस् भन्दै प्रहरी प्रमुख रेग्मीले व्याडमिन्टन ¥याकेटले हान्नुका साथै छातिमा मुक्का प्रहार गरेको घटना प्रति जिल्ला खेलकुद विकास समितिको गम्भिर ध्यानाकर्षण भएको छ । उक्त घट्ना प्रति घोर भत्र्सना गर्दछौ ।

नेपाल सरकार युवा तथा खेलकुद मन्त्रालय,राष्ट्रिय खेलकुद परिषद अन्र्तगतको कर्मचारी कँराते सहायक प्रशिक्षक माथि डियुटी समयमा यसरी जिल्लाकै शान्ती सुरक्षा प्रमुखद्धारा नै गुण्डा गर्दी शैलीमा अभद्र व्यवहारको साथै हातपात गर्नु अमानविय कार्य हो । घटनाका दोषीलाई कारबाहिको माग गर्दछौ, विज्ञप्तिमा भनिएको छ ।