सामुदायिक साना किसान सहकारी नलाङको १९औँ वार्षिक साधारणसभा तथा पाँचौँ अधिवेशन सम्पन्न

धादिङ, १५ कात्तिक । धादिङको सिद्धलेक गाउँपालिका–२, नलाङस्थित सामुदायिक साना किसान कृषि सहकारी संस्था लिमिटेडको अध्यक्षमा चेतनाथ सिलवाल सर्वसम्मत चयन हुनुभएको छ।

शनिबार सम्पन्न संस्थाको १९औँ वार्षिक साधारणसभा तथा पाँचौँ अधिवेशनले सिलवालको अध्यक्षतामा नौ सदस्यीय नयाँ सञ्चालक समिति चयन गरेको हो।

समितिको उपाध्यक्षमा देवकी श्रेष्ठ चयन हुनुभएको छ। सदस्यमा ईश्वरी अर्याल, एकबहादुर राना, ध्रुव अर्याल, जनक श्रेष्ठ, रामबाबु दुवाडी, मीना गिरी र उमादेवी थापामगर चयन हुनुभएको छ।

अधिवेशनले भगवान भट्टको संयोजकत्वमा तीन सदस्यीय लेखा सुपरिवेक्षण समितिसमेत चयन गरेको छ। समितिका सदस्यमा सरोज तिमल्सिना र बद्रीप्रसाद अर्याल रहनुभएको छ।